Törek matbuğatına küzätü 15.06.2020

“Sabah” gazetı beldergänçä İstanbul aêroportında öçençe bäysez oçqıç yulı, däwlät qunaq öye häm cämiğ Törkiyä ilbaşı Räcäp Tayyip Ärdoğan qatnaşqan tanata belän kiçä açıldı.

Xäbärdä ilbaşınıñ tübändäge süzläre urın ala: “Xezmät kürsätü häm citeşterüne däwam itteräçäkbez. Hawa mäydanıbız qısqa waqıtta 65 million yulçını qunaq itte. Yaña ürlär yawlarğa däwam itäçäkbez.”

“Xörriyät” basması Törkiyä Qazna häm finans ministrı Berat Albayraknıñ kiçä videokonferenŝiya aşa “12nçe Xalıqara İslam iqtisadı häm finansı konferenŝiyase”ndä yasağan çığışında maqsatlarınıñ Törkiyäne dön’yada proŝentsız finans üzägenä äyländerü buluın äytüen citkerä.

“Xäbär türk” gazetı yazğança Amerika Quşma Ştatlarınıñ Minnesota ştatında çığışı belän Afrikalı bulğan Djordj Floydnıñ poliŝiya qırıslığınnan yaqtı dön’yadan kitüennän soñ AQŞnıñ İstanbuldağı konsullığı yanında protest çarası oyıştırıldı.

Xäbärgä kürä Floydnıñ räsemnären kütärep, Sarıyer bistäsendäge konsullık binası urnaşqan uramda iminlek çaraları astında ber törkem keşe şiğar’lär äytte häm taralıştı.

“Watan” basması beldergänçä Rusiyä tışqı êşlär ministrı Sergey Lavrov, Saqlanu ministrı Sergey Şoygu belän rus ğaskäriläre häm iminlek xezmätkärlärennän toruçı wäkillekneñ kiçä yasaluı küzdä totılğan Törkiyä säfäre kiçekterelde.

“Star” gazetı yazğança Törkiyä NATOnıñ Sänägät’ teläktäşlege törkemendä êşçänlek törkemeneñ çirattağı räise wazıyfasın başqaraçaq.

Xäbärdän kürengänçä älege törkemdä NATOnıñ könüzäk texnologik ixtıyaclarınıñ bilgelänüen täêmin itüçe asqı êşçänlek törkemnäre urın ala.