Törek matbuğatına küzätü 08.06.2020

”Vatan” gazetı ”İlbaşı êşlӓren monnan soň  Ӓnkaradan dӓwam itterӓçӓk” isemle xӓbӓrendӓ Kovid-19 belӓn körӓş qısasında êşçӓnleklӓren İstanbuldan alıp barğan hӓm cıylışlarğa videokonferenśiya yulı belӓn qatnaşqan ilbaşı Rӓcӓp Tayyip Ӓrdoğannıň 6 kön êlek Ӓnkarağa qaytuı turında yaza. İlbaşı tvitter akkauıntında “Êşlӓrebezne monnan soň Ӓnkaradan dӓwam itterӓçӓkbez dip belderde hӓm ilbaşı idarӓse kölliyӓsendӓ töşkӓn fotorӓsemnӓren dӓ urtaqlaştı. 

“Xörriyӓt” gazetı “İlbaşı urınbasarı Oktaydan Vizantiya bayrağı reakśiyӓse” isemle xӓbӓrendӓ Törkiyӓ ilbaşı urınbasarı Fuat Oktaynıň Kipr grek töbӓgendӓ mӓçetkӓ Vizantiya bayrağı êlügӓ reakśiya belderep, “Grek citӓkçelege utrawnıň kön’yağında töreklӓrgӓ  hӓm İslamğa qarşı köçlӓrne dӓrtlӓnderüne tuqtatırğa hӓm bu awıru mentalitetnı  kisӓtü çaraları kürergӓ tiyeş” dip ӓytüen citkerӓ.

”Xӓbӓr Törek” gazetı ”İbrahim Qalınnan Liviya yullaması” isemle yazmasında Liviyadağı soňğı waqıyğalarğa bӓyӓ birgӓn ilbaşı idarӓse süzçese İbrahim Qalınnıň Amerika Quşma Ştatları hӓm Rusiyӓneň Liviya prem’yer-ministrı belӓm êlemtӓdӓ buluınıň uňay buluın citkerep, “Xafternıň waqıtı betüen kürü qıyın tügel. Hӓrkem ilbaşıbıznıň fikerenӓ kilӓ başladı” digӓn süzlӓren uquçıları belӓn urtaqlaşa.

”Yaňa Şafak” gazetı “Törkiyӓ Kovid-19 nı iň uňışlı idarӓ itkӓn il buldı” isemle yazmasında Törkiyӓ êçke êşlӓr ministrı Sölayman Soylunıň koronavirus belӓn körӓşkӓ tuqtalıp Törkiyӓneň migraśiya dulqını êçendӓ Kovid -19 barışın uňışlı başqaruı turında ӓytüen citkerӓ.

”Star” gazetı ”Törkiyӓ yar buylarınıň qurqınıçsızlığı cirle programmalarğa  tapşırıldı” isemle xӓbӓrendӓ saqlanu sӓnӓğӓte başlığ İsmail Demirneň yar buyların küzӓtü radar sisteması proyektınıň tӓwge programma paketınıň Yar buyı iminlek komandirlığına tapşıruluı turında ӓytüen xӓbӓr itӓ.