Törek matbuğatına küzätü 08.05.2020

“Yeni Şafak” gazetı beldergänçä koronavirus belän köräştä dön’yadağı aktiv oçraq häm sawığuçılar küläme belän çağıştırğanda Törkiyädä sawıqqan xasta küläme bik yuğarı.

Gazet yazuınça çärşämbe könennän başlap dön’yadağı aktiv oçraq küläme 58,03%, sawıqqan xasta küläme 33,76% bulğanda Törkiyädä aktiv virus oçrağı 36,95%, sawıqqan xasta küläme isä – 59,36% bularaq terkälde.

“Xörriyät” basması Törkiyäneñ Argentinada qalğan häm monnan alda 6 il almağan 9 Ukraina watandaşın töreklär belän bergä kiterüen citkerä.

Xäbärgä kürä Ukrainanıñ Änkaradağı ilçese Andriy Sıbixa watandaşlarına yärdäm qulı suzğan Törkiyä xökümätenä räxmäten belderde.

“Star” gazetı yazğança Törkiyä tışqı êşlär ministrlığı İzrail saqlanu ministrı Naftali Bennetnıñ qanunsız toraq punktlarğa östämä toraqlarnıñ tözelüen raslawı xaqında tübändägeçä citkerde: “İzrailneñ Berläşkän Millätlär Oyışması qararları belän ber rättän xalıqara xoquqnı iğtibarsız qaldıruçı bu totışın tağın ber tapqır kire qağabız, qardäş Fälästin xalqı häm Fälästinneñ xaqlı däğwası yanında bulaçağıbıznı qabatlıybız.”

“Sabah” basması citkergänçä Törkiyädä yılnıñ berençe 4 ayında igençelekkä bäyle tarmaqlarnıñ êksportı 2019 yılnıñ şul uq çorına kürä 2,9%ka arttı.

Gazet yazuınça Kovid-19 kizüeneñ täêsirendä ğıynwar-aprel’ çorında çit illärgä satunı iñ küp arttırğan tarmaq funduk häm êşlänmäläre buldı.

“Xäbär türk” gazetı xäbärenä kürä Antaliyaneñ Kaş rayonında urnaşqan Patara borınğı şähärendäge qazu törkeme borınğı teatrda alıp barğan êşçänlek waqıtında tarixi yazu taptı.

Gazet yazuınça borınğı şähärneñ êlekke çorlarında yäşägän möhim şäxeskä birelgän häm kisäklärgä bülengän zur yazu tikşerelä başladı.