Törek matbuğatına küzätü 04.05.2020

“Xörriyät” gazetı Törkiyä ilbaşı Räcäp Tayyip Ärdoğannıñ kiçä Twitterda İstanbulda tözelüçe infekŝiya xastaxanäläre räsemnären urtaqlaşuın yaza.

Xäbärgä kürä Ärdoğan Yeşilköy häm Sancaktepedä barlığı 2 meñ urınlı ike xastaxanäneñ tizlek belän tözelüen belderde.

“Sabah” basması citkergänçä Êlemtä idaräse başlığı Faxrettin Altun Törkiyäneñ berlektäşlären, dusların häm ixtıyacı bulğan illärne xuplawnı däwam itteräçägen belderde.

Gazet yazuınça Altun kiçä soŝial’ mediada bu yärdämnärneñ Törkiyäneñ humanitar totışınıñ kürsätkeçe buluın açıqladı.

“Star” gazetı Törkiyä Saqlanu ministrlığı tarafınnan Süriyädä “Solıx çişmäse” töbägendäge Kafr Nasih başlanğıç mäktäp uquçılarına mäktäp buqçası, kanŝelyariya materialları häm kiyem-salım yärdämeneñ kürsätelüen belderä.

“Yeni Şafak” gazetı “AQŞ Törkiyägä räxmäten belderde” isemle yazmasında Amerika Quşma Ştatları däwlät särqätibe Mayk Pompeonıñ mediŝina yärdäme öçen Törkiyägä räxmät belderüen citkerä. Bu wazğıyät’ne bergä atlataçaqbız häm monnan köçle çığaçaqbız.”

Xäbärdän kürengänçä Pompeo Twitterda bolay dip yazdı: “NATO berlektäşebez Törkiyägä räxmätle bez. Törkiyäneñ yärdämnäre dön’yanıñ här poçmağında Kovid-19 belän köräşüçe Amerikan şirkätlärenä bulışa.

“Xäbär türk” gazetı Turkish Kargonıñ Xalıqara hawa transportı berlegeneñ Freight Tonne Kilometres 2020 fevral’ näticälärenä kürä 16,6%ka üsüen yaza.

Gazet yazuınça kargo şirkäte şulay itep iñ yaxşı 25 hawa kargosı arasında iñ yuğarı üseş külämenä ireşte.