Törek matbuğatına küzätü 30.04.2020

Star: “İlbaşı Ärdoğan belderde: ul terrorçını êläkterdelär”

Törkiyä ilbaşı Räcäp Tayyip Ärdoğan Süriyäneñ Afrin töbägendäge şartlawnı oyıştırğan separatist terrorçı oyışma PKK/YPG äğ’zasınıñ êläkterelüen belderde. Sişämbe könne bulğan älege terrorçılıq höcümendä  40 keşeneñ ğomere özelde, alarnıñ 11e bala. Monnan tış, 47 keşe yaralandı.

Vatan: “Törkiyä koronavirus sınawınnan yöz aqlığı belän çıqtı”

Sälamätlek saqlaw ministrı Fäxretdin Koca Törkiyäneñ koronavirus kizüendä älegä qadär sınatmawın äytte. “Bezne bu noqtağa kisätü çaraların ütäw häm citdilek kiterde,”-dide ul. Ministr kizüne kontrol’ astına aluların assızıqladı. “Unışqa ireşüdä 3 punktnı sanıy alam: profilaktika, açıqlaw häm tiz däwalaw,”-di ul.

Yeni Şafak: “Törkiyä koronavirustan däwalawda dön’yağa ürnäk buldı”

Qayber illärdä bizgäktän däwalawda qullanıluçı gidrosiklorokin preparatınıñ faydasız buluı näticäsenä kildelär. Ämma Törkiyädä däwalaw prośessında älege daru awırularğa ähämiyätle östenlek birde. “Bu darular illärgä qarap nigä törle näticä kürsätä?”- sorawına fännär akademiyäse äğ’zası, professor Täwfiyq Özlü cawap birde. “Ayırma bezneñ bu preparatlarnı başlanğıç çorda qullanuıbız belän bäyle. Virusqa qarşı darular soñğı êtaplarda näticä birmi,”-dide ul.

Haber Türk: “Yaponnar Törkiyägä investiśiyä yasarğa äzer”

Kovid-19 virusı böten dön’yanı teträtkän waqıtta iq’tisadi qıyınlıqlarğa qaramastan, yaponnar Törkiyägä ênergetika tarmağında investiśiyä kertü öçen texnik êşçänlekne başladı. İke şirkät yañartıla aluçı häm qoyaş’ êlektr stanśiyäläre öçen 102,8 million dollarlıq investiśiyä planlaştıra.

Hürriyet: “Sami Yosıf konśertları TRT Müzik kanalında”

Törkiyä radio häm televideniye kompaniyäse Ramazan ayınıñ berläşterüçe ruxı êkrannarda çağıluçı bu qıymmätle könnärdä böten dön’yada tanılğan sänğat’çe Sami Yosıfnıñ konśertların kürsätäçäk. Anıñ TRT Müzik kanalında tapşırılaçaq berençe konśertı Dubay opera teatrında quyılğanı bulaçaq. Ul bügen 30nçı aprel’ könne Törkiyä waqıtı belän 21 säğat’ 15 minutta başlana.