Törek matbuğatına küzätü 29.04.2020

”Xӓbӓr Törek” gazetı “Dönyadağı üzgӓreş Törkiyӓgӓ yaňa forsatlar tudıra” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň koronavirustan qotılu öçen saqlıq çaraları ütӓwne dӓwam itterü kirӓklege turında ӓytüen citkerӓ.”Dönyadağı üzgӓreş ilebez aldında yaňa hӓm zur forsat ofıqları açıluına işarӓt itӓ”dip ӓytüçe ilbaşı kizü dӓwerendӓ saqlıq çaraların cirenӓ citkerep ütӓgӓn watandaşlarğa rӓxmӓtlӓren belderde. Ӓrdoğan kizü çaraların bilgelӓngӓn kalendar’ planğa kürӓ ӓkrenlӓp ğamӓldӓn çığarğanda Törkiyӓdӓ citeşterüneň qabat bar köçenӓ başlanaçağın da ӓytep uzdı.

”Sabah” gazetı “Törkiyӓdӓ açıldı, dönyada tӓwge” isemle xӓbӓrendӓ İstanbul mediśina fakul’tetında Kovid -19 paśientların küzӓtü üzӓge açıluın xӓbӓr itӓ. Törkiyӓdӓ hӓm dönyada tӓwge bulğan bu üzӓk Kovid-19 nı bik awır kiçergӓn hӓm annan soň küzӓtep barılırğa tiyeşle keşelӓrne 1-3-6-9 hӓm 12 nçe aylarda tikşerӓçӓk.

”Xörriyӓt” gazetı “Üpkӓ çire bulğan Rusiyӓdӓge studentnı aşığıç yӓrdӓm oçqıçı belӓn Törkiyӓgӓ alıp qayttılar” isemle xӓbӓrendӓ Törkiyӓ sӓlamӓtlek saqlaw ministrı Fahrettin Kocanıň Rusiyӓdӓ operaśiyӓse yasalmağan  Haluk Hasan Seyithanoğlın ilbaşınıň boyırığı nigezendӓ aşığıç yӓrdӓm oçqıçı belӓn Törkiyӓgӓ alıp qaytuları hӓm xastaxanӓgӓ salınuı tuında ӓytüen citkerӓ.

”Yaňa Şafak” gazetı “Çit il keşelӓre kürmiçӓ dӓ Törkiyӓdӓn toraq ala” isemle xӓbӓrendӓ global’ koronavirus kizüe arqasında Törkiyӓdӓ mart ayınnan başlap çit il keşelӓrenӓ onlayn satu başlanuı turında yaza. Törkiyägä kilä almawçı satıp aluçılarnıň qızıqsınuı  Facetime, Zoom, Skype häm Whatsapp şikelle platformalarga yünӓlde. İnnovaśion fikerläw, texnologik mömkinleklär häm Törkiyӓneñ sälamätlek saqlaw tarmağında üseşkä ireşüe xalıqara mäydanda ixtiyac barlıqqa kilüne täêmin itte. Mart ayında Törkiyädä çit il keşelärenä 100 million lira külӓmendӓ  küçemsez milek satıldı.

“Star” gazetı ”Törkiyӓdӓn xalıqara yök taşuğa qağılışlı yaňa qararlar” isemle xӓbӓrendӓ yazğança,  transport hӓm asqorma ministrlığı Törkiyӓneň xalıqara yök taşu sistemasına qağılışlı yaňa qararlarnı citkerde. Ӓlege qararlardan kürengӓnçӓ, Rusiya hӓm Qazaqstan berençe çiratta bulu belӓn bergӓ Urta Aziyӓdӓn Törkiyӓgӓ yök alıp kilgӓn yörtüçelӓr avtomobil’dӓn çıqmağanda hӓm bilgelӓngӓn qağıydӓlӓrne ütӓp 72 sӓğӓt’ êçendӓ ildӓn kitkӓn oçraqta alar öçen 14 könlek karantin bulmayaçaq.Alar ilgӓ  kergӓnnӓn soň Transport küzӓtü sisteması belӓn küzӓtelӓçӓk.