Törek matbuğatına küzätü 20.04.2020

“Xörriyät” gazetı: "İlbaşı Ärdoğan AQŞ İlbaşı Donal’d Tramp belän söyläşte"

İlbaşı Räcäp Tayyip Ärdoğan belän Amerika Quşma Ştatları İlbaşı Donal’d Tramp telefonnan söyläşte. İke yaqlı mäs’älälär belän bergä regional’ täräqqiyätlär dä quzğatılğan söyläşü waqıtında ike lider koronavirus kizüeneñ däwlät sälamätlek saqlaw tarmağına häm iq’tisadlarıbızğa täşkil itüçe yanawğa qarşı yaqın xezmättäşlekne däwam itterü mäs’äläsendä kileşte.

“Watan” gazetı: "Milli saqlaw ministrlığınnan korona virusı daruı belderüe"

Milli saqlanu ministrlığı koronavirus kizüe belän köräş qısalarında daru qamilläşterü proyektı östendä êşläwlären belderde. Ministrlıqtan yasalğan açıqlawda: "Çimal ürnäge belän AR-GE êşçänlege başlatıldı, daru qamilläşterü proyektıbız “TÜBİTAK”qa citkerelde”, - dip äytelde.

“Yäni Şafak” gazetı: "İspaniya töreklärgä räxmätle"

Törkiyä awır könnär kiçerüçe İspaniya xalqın yalğız qaldırmadı häm oçqıç belän mediśina yärdäm äyberlären cibärde. İspaniyanıñ yaratılğan sänğätçese Monika Molina: “Törkiyä kebek illärneñ bu qadär awır çaqlarda bezgä yärdäm itülären kürü iskitkeç. Bu törek xalqınıñ İspaniyağa qarata yumartlığınıñ häm söyüeneñ kürsätkeçe”, - dip äytte.

“Star” gazetı: "Angliya: Törkiyädän yaña materiallarnı kötäbez"

Angliyada koronavirus kizüe säbäple yäşängän awırlıq arqasında sälamätlek saqlaw xezmätkärlärennän ber tapqır qullanıla torğan kombinezonnarın yuıp yañadan qullanıluı soralğan bulsa, Tözeleş häm cirle idarälär ministrı Robert Jenrick Törkiyädän yaña materiallar kötülären äytte. Jenrick materillar arasında 400 meñ kombinezon da bulğan yaqınça 84 tonnalıq zur individual’ saqlanu komplektlarınıñ buluın belderde.

“Sabah” gazetı: "Kiläse yaznı dürt küz belän kötäbez"

İzmirneñ Gaziämir ilçäsendä koronavirus kizüe arqasında oyıştırıla alınmağan xalıqara balalar bäyräme cıyınında qatnaşa almağan Qıtay balaları videoyazma belän 23nçe aprel’ milli möstäqillek häm balalar bäyrämen qotladı. Mini tamaşa da täq’dim itelgän videoyazmada uquçılar bolay dip äytte: "Kiläse yaz çäçäklär açqan çaqta balalar bäyräme festivalegezdä qatnaşunı häm qotlawnı dürt küz belän kötäbez. Şatlıqlı balalar bäyräme, şatlıqlı Törkiyä, şatlıqlı İzmir."