Törek matbuğatına küzätü 10.04.2020

“Watan” gazetı: "İlbaşı Ärdoğan Tön’yaq Makedoniya Däwlät başlığı belän söyläşte"

İlbaşı Räcäp Tayyip Ärdoğan Tön’yaq Makedoniya Däwlät başlığı Stevo Pendarovski belän kiçä telefon söyläşüen ütkärde. İlbaşı idaräseneñ êlemtä departamentınnan yasalğan belderügä kürä, söyläşü waqıtında yaña tör koronavirus (Kovid-19) belän köräştä xezmättäşlek, ike yaqlı mönäsäbätlär häm regional’ mäs’älälär quzğatıldı.

“Xörriyät” gazetı: "İlbaşı idaräse süzçese İbrahim Qalın koronavirus kön tärtiben bäyäläde"

İlbaşı idaräse süzçese İbrahim Qalın “Al Jazeera”gä yazğan mäqaläsendä: "Barıbız da iminlektä bulmağan çaqta berebez dä iminlektä bulmayaçaqbız. Bügennän soñ hiçber töbäk, millät yäki il öçen mädäni iyerarxiyalär, iq’tisadi qağılmaslılıqlar häm östenleklär turında süz bula almıy. Hiçber il bu suğışnı üze genä ciñä alaçaq wazğiyättä tügel”, - dip belderde.

“Sabah” gazetı: "Tışqı êşlär ministrlığı: Süriyä rejimınıñ xisap birüe zarur"

Tışqı êşlär ministrlığı tarafınnan Ximik qorallarnı tıyu oyışmasınıñ tikşerenü häm bilgeläw törkemeneñ berençe xisabında 2017nçe yılda Süriyäneñ Ltamenah qasabasında yasalğan 3 ximik qoral höcümeneñ Süriyä rejimı tarafınnan başqarıluınıñ bilgelänelüe açıqlanıp: "Balaçağa dimiçä 9 yıl buyı üz watandaşların ütergän rejimnıñ xisap birüe kiräk”, - dip äytelde.

“Star” gazetı: "NATOnıñ Bel’giyadağı SHAPE ştabınnan Törkiyäneñ yärdämnäre öçen räxmät"

Yaña tör koronavirus (Kovid-19) kizüe belän köräş qısalarında Törkiyäneñ çit illärgä suzğan yärdäm qulı täq’dir itelergä däwam itä. NATOnıñ Bel’giyanıñ Mons qalasındağı Awrupa berlektäş köçläre yuğarı ştabınnan (SHAPE) Törkiyägä Kovid-19 kizüe belän köräş qısalarında Bosniya-Hersegovinağa cibärgän mediśina materialları öçen räxmät belderelde.

“Xäbär Türk” gazetı: "Bal êksportınnan 6,9 million dollar kerem"

Törkiyädän yılnıñ berençe çiregendä 38 ilgä yasalğan bal êksportı uzğan yılnıñ şuşı uq çorına qarağanda 9%qa artıp, 6 million 921 meñ 120 dollarğa citte. Germaniya, Soğud Ğäräbstanı, AQŞ, Quveyt häm Awstriya iñ küp bal êksportlanğan illär buldı.