Törek matbuğatına küzätü 10.03.2020

“Xörriyät” gazetı ilbaşı Ärdoğannıñ Awrupağa yasağan çaqıruın citkerä.

Törkiyä ilbaşı Räcäp Tayyip Ärdoğan kiçä êşlekle säfär belän Bel’giyä başqalası Brüssel’gä kitkän cirennän NATO ğomum särqatibe Yens Stoltenberg belän oçraştı häm alar urtaq belderü yasadı. Ärdoğan anda Süriyädäge keşelek faciğasenä Awrupanıñ küz yoma almayaçağın belderde. “Hiçber Awrupa däwläteneñ Süriyädäge bäreleşlär häm gumanitar krizisqa bitaraf qalu östenlege yuq,”-dide ul.

“Xäbär Türk” gazetı ministr Albayraknıñ inflyaśiyä belän bäyle belderüen citkerä.

Törkiyä qazna häm finans ministrı Bärat Albayrak: “İnflyaśiyädäge nıqlı poziśiyäbez maqsat itep quyılğan 8,5%qa bik ciñel ireşä aluıbıznı kürsätä, monnan berkem dä şöbhälänmäsen,”-dide.

“Sabax” gazetı “Ministr Dönmäz belderde: Aqqoyı reaktorı 2023nçe yılda ğamälgä keräçäk” dip yaza.

Törkiyä ênergetika häm tabiğıy çığanaqlar ministrı Fatix Dönmäz Aqqoyı atom-töş stanśiyäsendäge êşlärneñ tuqtap tormıyça däwam itüen belderde. Tämamlanğaç ul Änkara häm İzmir töbäkläreneñ tulayım êlektr ixtiyacın qaplarlıq ênergiyä êşläp çığaraçaq.

“Watan” gazetı sälamätlek saqlaw ministrınıñ koronavirus turındağı belderüen citkerä.

Sälamätlek saqlaw ministrı Fäxretdin Koca kiçä belderü yasap, Törkiyädä älegä qadär koronavirus oçrağı terkälmäwen äytte. Ul ildä waqıtında barlıq çaralarnın kürelüen söyläde. “Borçılırğa säbäp yuq. Däwlät oyışmalarıbız, ministrlığıbız êşlänergä tiyeşlelärneñ barısın başqa däwlätlärdä kürelmägän däräcädä başqara,”-dide ministr.

“Star” gazetı NATO xärbi künegülärendä Törkiyäneñ iskitkeç unışqa ireşüen xäbär itä.

Törkiyä milli saqlanu ministrlığı beldergänçä, ittifaq’nıñ su astında saqlanu xärbi künegülärendä ilneñ 15 diñgez forpostı oçqıçı 4 berlektäş däwlätneñ dä submarinasın êzläp taptı. Näticädä, ul AQŞ, Kanada, Franśiyä häm Germaniyä oçqıçları arasında iñ yuğarı êşçänlek däräcäse häm uñış prośentına ireşte.