Törek matbuğatına küzätü 9.03.2020

“Xörriyät” gazetı ilbaşı Ärdoğannıñ Greśiyäne “Sin dä qapqalarıñnı aç” dip çaqıruın yaza

Törkiyä ilbaşı ber çığışında Greśiyägä möräcäğat’ itep: “Bez qapqalarnı açtıq, sin dä aç, kitsennär başqa Awrupa illärenä. Bez yökne ğadel räweştä urtaqlaşırğa telibez. Bezdä äle xaman 3 million yarım möhacir bar, 1 million yarımı da işegebezgä kilep tayandı,”-dide.

“Star” gazetı yazğança, Törkiyäneñ koronavirusqa qarşı köräşe böten dön’yağa ürnäk buldı.

Törkiyädä Kovid-19 kizüe belän unışlı alıp barıluçı köräş bik küp il tarafınnan yaqınnan küzätelä. Alar mäğ’lümat häm täcribä belän urtaqlaşu soradı. Bu tarmaqta xezmättäşlek teläwçe 26 däwlät arasında AQŞ, Angliyä, İtaliyä, İran bar.  

 “Sabax” gazetı İstanbulğa million yarım turist cälep itäçäk Galataport proyektı turında citkerä.

Galataport kruiz portı proyektı axırına yaqınlaşa. Aprel’ ayında inde anda täwge kruiz köymäsen kötälär.

“Xäbär Türk” gazetı yazğança, İstanbul aêroportın qışqı çorda 15 million yulçı qullandı.

Anda dekabr’, ğıynvar häm fevral’ aylarında 101 meñnän artıq êçke häm xalıqara oçışlar bulğan. Aêroport aşa 15 million 159 meñ yulçı uzğan.  

“Watan” gazetı “Törkiyädän - sıyınuçı balalarğa vakśina” dip xäbär itä.

Ädirnädä Awrupa xıyalı belän yulğa çığuçı sıyınuçı ğailälärneñ balalarına vakśina yasaldı. Pazarküle çik qapqasınıñ tampon cirlegendä kötep toruçılarğa bu xaqta sälamätlek saqlaw idaräse mäğ’lümat birde. Alarnıñ 15 yäş’kä qadärge balalarına qızamıq häm poliomielitqa qarşı vakśina qadadılar.