Törek matbuğatına küzätü 06.03.2020

“Yäni Şafak” gazetı: "Utnı tuqtatu"

Süriyädä rejimnıň häm Rusiyäneň küpläp üterüläre, yaňa küçenü-migraśiya dulqını häm Törkiyäneň “Yaz qalqanı” xäräkäte arqasında böten dönyanıň yaqınnan küzätep barğan İdlib krizisı kiçä başqala Mäskäwdä söyläşelde. İlbaşı Räcäp Tayyip Ärdoğan häm Rusiyä Däwlät başlığı Vladimir Putinnıň 6 säğät’ däwam itkän oçraşuınnan soň “utnı tuqtatu” qararına kilende. Utnı tuqtatu tönlä säğät’ 00:01dä ğamälgä kerde.

“Star” gazetı: "Altun: “Törkiyä humanitar fälaqät’ yäşänüen qarıy almas”"

Êlemtä başlığı Fahrättin Altun Süriyäle sıyınuçılar belän bäyle bularaq “Twitter”dan yasağan belderüendä: “Bez ni kileşülärebezdän kire qaytaçaqbız, ni dä bu cirängeç rejimnıň millionnarça tınıç xalıqnı üterüenä yäki çik buylarıbızğa taba quıp baruına röxsät biräçäkbez. Rejim töbäktä kirägennän kübräk xaosqa häm cimerülärgä säbäp buldı. Törkiyä bernärsä dä yasamıyça, küzläreneň aldında humanitar fäläqät’ yäşänüen qarıy almas”, - dip äytte.

“Sabah” gazetı: "Törkiyädän Qıtayğa däw êksport! 500% arttı"

Yaňa tör koronavirus (Kovid-19) kizüe xasil bulğan Qıtayğa ber tapqır qullanıluçı bitlek satıluı, äzer kiyem häm konfeksion tarmağınıň bu ilgä êksportınıň rekord külämdä artuın täêmin itte. Törkiyädän Qıtayğa yasalğan äzer kiyem häm konfeksion tışqı satuı, bu ildän kilgän ber tapqır qullanıluçı bitlek soraw-taläbeneň yoğıntısı belän fevral’ ayında yaqınça 500%qa artıp, 30 million 500 meň dollarğa citte.

“Xäbärtürk” gazetı: "Ber köndä 10 törek dollar millionerı bulaçaq"

Üzäge Angliyada urnaşqan “Knight Frank” konsul’taśiya firmasına kürä, 2019nçı yılda Törkiyädä 1 million dollar häm annan kübräk baylığı bulğan keşe sanı 164 meň 938gä citkän. Xisapta bu sannıň 2024nçe yılda 183 meň 162gä citäçäge küzdä totıla. Yäğni firma 5 yıl buyı ber köndä yaqınça 10 törekneň dollar millionerı buluın kötä.

“Xörriyät” gazetı: "Awrupanıň iň matur 30 plajı isemlegenä Törkiyä dä kerde"

Angliyada “The Guardian”nıň säyäxät yazuçıları Awrupanıň iň matur 30 plajın sayladı. İsemlekkä Törkiyädän dä biş plaj kertelgän.