Törek matbuğatına küzätü 03.03.2020

“Star” gazetı: "Ärdoğan: “Tiz arada Törkiyä bilgelägän çiklärgä çigenmäsälär, başların yuğaltırlar”"

İlbaşı Räcäp Tayyip Ärdoğan başqala Änkarada yasağan çığışında: "İdlibtäge operaśiyälärebezne 34 şähitebezdän soň kiň qolaçlı ittek. Äsäd rejimına tarixınıň iň awır yuğaltuların birderdek. Tiz arada Törkiyäneň bilgelägän çiklärenä çigenmäsälär, başların yuğaltırlar”, - dip äytte.

“Xäbärtürk” gazetı: "Ministr Soyludan Greśiyağa "qaçaq" çaqıruı"

Êçke êşlär ministrı Söläyman Soylu Greśiya iminlek köçläreneň Awrupağa kitü öçen çik buyında kötkän qaçaqlarğa gaz häm tawış bombaların ırğıtuı belän bäyle bularaq: "Greśiyanıň başqaruı zarur bulğanı – çik buylarına kilgän keşelärneň sıyınu taläplären migraśiya xoquqı yağınnan bäyäläp, saqlaw täêmin itüe, kiräkle bulğannarnı saqlaw astına aluı. Bu barışta Greśiya räsmilären töp xoquq tekstlarına, iň möhimlese dä keşelekkä yaraşlı itep xäräkät itärgä çaqıram”, - dip äytte.

“Yäni Şafak” gazetı: "BMO: Törkiyä İdlibtä tınıç xalıqnıň zarar kürmäwe öçen bik iğ’tibarlı xäräkät itä”"

Berläşkän Millätlär Oyışmasınıň Bäysez Süriyä tikşerenü komissiyası äğ’zase Hanny Megally: "Törkiyä İdlibta tınıç xalıqnıň zarar kürmäwe öçen bik iğ’tibarlı xäräkät itä”, - dip äytte.

“Xörriyät” gazetı: "Törkiyädä turizm xäräkätlelege!"

Qıtayda barlıqqa kilgän koronovirus arqasında kruiz şirkätläre Yıraq Könçığış turların ğamäldän çığara başladı. Şirkätlärneň yaňa yünäleşe isä Qara diňgez buldı. İstanbuldan yulğa çığaçaq zur köymälär başta Sinop portına kerep çığaçaq, annan soň Trabzonda häm Gruziyada Batumi portında tuqtap toraçaq. Bu räweşle turizmda citdi xäräkätlänü bulaçaq.

“Sabah” gazetı: "Antaliyada ber-ber artlı rekord!"

Turizmda 2020nçe yılnıň ğinwar’ ayında böten waqıtlarnıň iň yuğarı turist sanına ireşkän Antaliya yaňa rekordnı tormışqa aşırdı. Şähärgä 2 ayda 30% artış belän 388 meň 994 turist kilde.