Törek matbuğatına küzätü 02.03.2020

 “Xäbär Törek” gazetı “Ärdoğan - Putin oçraşuı 5 nçe martta” isemle xäbärendä Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putin 5 nçe martta Mäskäwdä küreşäçäk dip yaza. Oçraşuda İdlibtäge soñğı täräqqiyät’lär häm rejim köçläreneñ küzätü punktlarınnan artqa taba çigenüläre mäs’äläläre qaralaçaq.

”Xörriyät” gazetı “Bayrağıbızğa qul suzğan xain qullarnı sındırabız” digän xäbärendä Törkiyä tışqı êşlär ministrı Mävlüt Çavuşoğlunıñ 27 nçe fevral’dä İdlibtä wazıyfa başqaruçı törek ğaskärlärenä höcümnän soñ başlatılğan “Yaz qalqanı” xäräkäte belän bäyle  yasağan belderüendä “Bayrağıbızğa qul suzğan barlıq xain qullarnı sındıraçaqbız” dip äytüen citkerä.

”Star” gazetı “Törkiyä dönya tarixına kerep qaldı” isemle xäbärendä Törek Qorallı Köçläreneñ Süriyädä Äsädneñ tınıç xalıqnı ütergän İdlibtä häm anıñ tirä yağında rejim köçlären milli mömkinleklär belän êşläp çığarılğan distälärçä qorallı keşesez hawa transportı qatnaşqan operaśiyälär belän höcüm itep dönya tarixına kerep qaluın xäbär itä.

”Yaña Şafak” gazetı “Bolgariya prem’yer-ministrı Törkiyägä yärdäm itü kiräklegen belderde” isemle xäbärendä Awrupağa ağıluçı meñnärçä qaçaq belän bäyle belderülär yasağan Bolgariya prem’yer-ministrı Boyko Borisovnıñ “Törkiyäne dä kertep ber genä il dä yalğız qaldırılmasqa tiyeş. Törkiyägä yärdäm itärgä kiräk” dide.

 “Sabah” gazetı “Angliya gazetı ışanıçlı yal itü urını bularaq Törkiyäne kiñäş itte” isemle xäbärendä  Angliyäneñ “Daily Express” gazetınıñ 10 nçı aprel’dä başlanaçaq pasxa yalların çit ildä ütkärergä teläwçelärgä koronavirus yanamağan Törkiyäne täq’dim tüe turında yaza. Gazetnıñ yal itü öçen imin ışanıçlı illär arasında Törkiyäne kürsätüe Muğladağı turizmçılarnı söyenderde.