Törek matbuğatına küzätü 28.02.2020

“Star” gazetı Ömär Çälikneñ süzläre belän “Äsäd rejimı bu mäkerlelege öçen awır cawap totaçaq” dip yaza.

AK partiyä süzçese Ömär Çälik Törkiyäneñ rejim höcümnärenä layıqlı cawap biräçägen belderde. Ul ilneñ Süriyädä xalıqara xoquqlarğa tayanıp köräşen maqsatına ireşkänçe däwam itäçägen äytte.

“Sabax” gazetı yazğança, Äsäd rejimınıñ barlıq ob’yektları cirdän häm hawadan utqa totıla.

Rejimnıñ höcüm itep 33 törek ğaskäriyen şähit itkännän soñ Törkiyä qorallı köçläre cawap höcümnären başladı. İdlibtä soñğı 17 köndä 1709 rejim äğ’zası täêsirsez xälgä kiterelde.

“Xäbär Türk” gazetı Törkiyä milli saqlanu ministrı Akarnıñ front sızığına kitüen citkerä.

Xulusi Akar İdlibtäge xäräkätlär belän idarä itüçe Xatay taktik komandalıq punktına kitte. Ul başqa komandirlar belän bergä rejim ob’yektlarına höcümnär belän citäkçelek itä.

“Xörriyät” gazetı “Fitç Reytings”nıñ sannarın kiterä.       

Xalıqara reyting oyışması mödire Duglas Uinslow Törkiyädä investiśiyälärneñ bıyıl üseşkä kiçüen häm 3%qa artacağın kötülären belderde.

“Yaña Şäfaq” gazetı xäbär itkänçä, “İstanbulğa kilgän turist sanı 10%qa arttı”

İstanbulnı uzğan ayda turistlar basıp aldı. Ğıynvar ayında qalağa kilüçe çit il turistları sanı, uzğan yılnıñ şul uq çorı belän çağıştırğanda, 10%qa arttı häm 1 million 17 meñ keşegä citte.