Törek matbuğatına küzätü

“Star” gazetı: "Ärdoğannan AQŞqa ölge reakśiyası: “Böten dönyağa möräcäğät’ itäm. Yasalğan adımnı tanımıybız”"

İlbaşı Räcäp Tayyip Ärdoğan AQŞ Wäkillär palatasında 1915nçe yılğı waqiğalar (waqıyğalar) belän bäyle güyä ärmän raslawların tanığan qarar ölgeseneň qabul itelüenä kisken reakśiya kürsätep: "Biredän amerikan cämäğätçelegenä dä, böten dönyağa da möräcäğät’ itäm. Qabul itelgän bu qararnıň hiçber mäğ’näse yuq, monı tanımıybız”, - dip äytte.

“Yäni Şafak” gazetı: "Fuat Oktaydan AQŞqa reakśiya: “Kileşü ruxına tiskäre”"

İlbaşı urınbasarı Fuat Oktay Amerika Quşma Ştatları Wäkillär palatası qararlarına reakśiya kürsätte. Oktay kiçä sośial’ media aşa yasağan belderüendä: "Qararlar xoquqqa, Amerika Quşma Ştatları belän Süriyä mäs’äläsendä ireşkän kileşüebezneň ruxına tiskäre”, - dip äytte.

“Sabah” gazetı: "Ministr Çavuşoğlunnan AQŞnıň skandal ölgesenä kisken reakśiya"

Tışqı êşlär ministrı Mäwlüt Çavuşoğlu kiçä yasağan belderüendä Amerika Quşma Ştatlarınıň skandal ölgesenä kisken reakśiya kürsätte. Ministr Çavuşoğlu: "Monıň yuq xökemendä buluın üzlärenä belderdek. AQŞ ilçesen dä Ministrlığıbızğa çaqırtıp, häm reakśiyäbezne, häm kötkännärebezne äyttek. AQŞta Törkiyägä qarşı qabul itelgän ike qararnıň säbäbe Süriyädä ayıruça uyınnı bozuıbız. Monnan üç alırğa tırışalar”, - dip belderde.

“Xörriyät” gazetı: "Törkiyä Böyek Millät Mäclesennän AQŞqa urtaq reakśiya"

Törkiyä Böyek Millät Mäclesennän Amerika Quşma Ştatları Wäkillär Palatası qabul itkän qararlarğa urtaq reakśiya kürsätelde. Qabul itelgän qararlarnıň tarixi faktlarnı yäşerergä tırışu buluı turında äytelde.

“Watan” gazetı: "Milli saqlanu ministrlığınnan açıqlaw: “Söyläşülär tämamlandı”"

Milli saqlanu ministrlığı (MSB) Rusiyä xärbi wäkillege belän tögällängän söyläşülärneň uňay uzuın belderde. Söyläşülärdä kileşü tekstında bulğan mäs’älälärneň mäydandağı ğamäli başqarıluına qağılışlı taktikanıň häm texnik mäs’älälärneň quzğatıluı äytelde.