Törek matbuğatına küzätü 24.10.2019

“Yäni Şafak” gazetı: “Törkiyä 6 yılda äzerlängän kartanı 14 köndä çüpkä ırğıttı”

Törkiyäneň Süriyäneň tön’yağında başlatqan “Solıx çişmäse” xäräkätennän soň Rusiyä häm Amerika Quşma Ştatları belän ike möhim kileşü belän Süriyäneň tön’yağında 6 yılda buldırılğan karta 14 köndä çüpkä ırğıtıldı. “Solıx çişmäse” xäräkäte näticäsendä Amerika Quşma Ştatları häm Rusiyä belän ireşelgän ike kileşü häm Törkiyäneň mäydandağı barlığı “PKK/YPG” separatist terror oyışmasın Süriyä tigezlämäsennän çitkä çığardı.

“Star” gazetı: “Rusiyä: “PKK/YPG çigenmäsä Törek ğaskäre alarnıň östennän uzar”

Rusiyä İlbaşı idarase süzese Dmitriy Peskov Törkiyä belän tözelgän kileşü qısalarında “YPG/PKK”nıň Süriyäneň tön’yağınnan çigenüe zarurlığın belderde. Peskov “PKK/YPG” äğ’zase terrorçıları çigenmägän oçraqta Süriyä çik buyı saqçılarınıň häm Rusiyä xärbi poliśiyasınıň çigenergä mäcbür bulaçağın assızıqladı. Peskov Rusiyä belän Törkiyä arasında ireşelgän kileşü qısalarında “YPG/PKK” çigenmässä törek armiyası alarnıň östennän uzar”, - dip äytte.

“Vatan” gazetı: “NATO Törkiyä-Rusiyä kileşüennän qanäğät”

NATO Ğomum särkätibe Yens Stoltenberg Törkiyä-Rusiyä kileşüennän soň belderü yasadı. Stoltenberg: “Süriyäneň tön’yağındağı täräqqiyätlärne qanäğät bulıp qarşılıym,” – dip äytte. Barışnıň küzätelüen assızıqlawçı Stoltenberg: “Qırıslıqnıň azayuı qanäğätlelek birüçe. Soçi kileşüe Süriyädä çişeleş öçen ömet birüçe”, - dip äytte.

“Xäbär Türk” gazetı: “Törkiyä iq’tisadı uňay üseşenä taba bara”

MÜSİAD Möstäqil (möstäqıyl’) sänäğätçe häm êşmäkärläre cämğiyäte (cämğıyäte) ğomum başlığı Abdurrahman Kaan Törkiyä iq’tisadınıň yıl başındağı tiskäre üseş kötelgännärenä qaramastan pozitiv üseşkä taba baruın belderde. Abdurrahman Kaan Törkiyäneň duçar bulğan kurs atakaların tiz räweştä uzuın, êksportnıň da arta baruın äytte.

“Xörriyät” gazetı: “Törkiyä êş başqaru ciňellege indeksında 33nçe urınğa kütärelde”

Kazna häm finans ministrı Bärat Albayraq Törkiyäneň êş başqaru ciňellege indeksında dönyada 33nçe urınğa kütärelüen äytte. “Twitter”dan Dön’ya bankınıň xisabına qağılışlı belderü yasawçı Ministr Albayraq Törkiyäneň êş başqaru ciňellege indeksında tağın 10 urınğa kütärelüen citkerde.