Törek matbuğatına küzätü 22.10.2019

“Star” gazetı: “Ärdoğannan kritik “120” säğät’ yullaması: “Başqarıluı zarur adımnarnı yasayaçaqbız”

İlbaşı Räcäp Tayyip Ärdoğan kiçä “TRT World Forum”da “Solıx çişmäse” xäräkäte belän bäyle bularaq: “120 säğät’lek tänäfes torışı bar. 120 säğät’neň zur öleşe bette inde. İrtägä Rusiyägä Soçiğa säyäxätebez bar. Bu säyäxättä xörmätle Putin belän şuşı barışnı qarap çığarbız, annan soň başqarıluı zarur adımnarnı yasayaçaqbız”, - dip äytte.

“Sabah” gazetı: “Çavuşoğlunnan “Solıx çişmäse” xäräkäte açıqlawı: “35 säğät’ qaldı, çigenü bulmasa operaśiya qabat başlar”

Kiçä “TRT World Forum”nıň açılışında açıqlawlar yasawçı Tışqı êşlär ministrı Mäwlüt Çavuşoğlu çığışında “Solıx çişmäse” xäräkäte belän bäyle bularaq Amerika Quşma Ştatları belän tözelgän kileşügä tuqtalıp uzdı häm 35 säğät’neň qaluın, 35 säğät’ êçendä kire çigenmägän oçraqta operaśiyanıň qabat başlayaçağın belderde.

“Xäbär Türk” gazetı: “Hulusi Akardan kisätü”

Milli saqlanu ministrı Hulusi Akar Amerika Quşma Ştatları belän 17nçe üktäbr’dä Süriyäneň tön’yağı mäs’äläsendä ireşelgän kileşüdä böten şartlar ütälgän oçraqta “Solıx çişmäse” xäräkäteneň tämamlanaçağın äytte. Hulusi Akar İstanbulda kiçä oyıştırılğan “TRT World Forum”da: "Awır qorallarnıň cıyıluı, terror oyışmasınıň böten nığıtmalarınıň yuqqa çığarıluı häm başqa böten şartlar ütälgännän soň çigenü dä waqıtında tämamlansa “Solıx çişmäse” xäräkäte tögällänäçäk”, - dip äytte.

“Yäni Şafak” gazetı: “Oktay: “Yaqınça 2 million Süriyäleneň kire qaytuın planlaştırabız”

İlbaşı urınbasarı Fuat Oktay kiçä Yıldız texnik universitetınıň yaňa uqu yılın açıp cibärü tantanasında yasağan çığışında: "Süriyäneň tön’yağında imin töbäkkä yaqınça 2 million Süriyäle sıyınuçınıň kire qaytuın planlaştırabız”, - dip äytte. Oktay 365 meň qaçaqnıň üzixtıyarıy bularaq kire qaytqan “Färat qalqanı” häm “Zäytün botağı” xäräkäte töbäklärennän soň xäzer inde çiratnıň Färatnıň könçığışın töbäk xalqı öçen imin torışqa äyländerüdä täwäkkäl buluların belderde. Oktay Tel Abyad häm Rasulayn şähär üzäkläre belän 65 toraq punktnıň terrordan azat itelep kontrol astına alınuın äytte.

“Xörriyät” gazetı: “Antaliya turizmda "rekordqa" tuymıy”

"Turizm başqalası" Antaliya qunaq itkän turist sanınıň tarixında berençe tapqır 14 millionnı uzuı tarmaq wäkillären şatlandırdı. Törkiyä qunaqxanälär federaśiyäse (TÜROFED) başlığı Osman Ayık: "Kötelgän uňış. Qalğan çorda da şuşındıy uq temp däwam itäçäk häm yıl azağında 16 million sanğa citäçäkbez”, - dip äytte.