Törek matbuğatına küzätü 10.10.2019

“Xörriyät” gazetı: “İlbaşı Ärdoğan: “Xäräkät başladı””

İlbaşı Räcäp Tayyip Ärdoğan kiçä Süriyä operaśiyäseneň başlawın: “Törek qorallı köçlärebez Süriyä milli ğaskäre belän bergä Süriyäneň tön’yağında “PKK/YPG” häm “DEAŞ” terror oyışmalarına qarşı “Solıx çişmäse” xäräkäten başlattı. Maqsatıbız – kön’yaq çigebezgä barlıqqa kiterelergä tırışılğan terror koridorın yuqqa çığaru häm töbäktä tınıçlıq häm xozur urnaştıru”, - süzläre belän citkerde.

“Sabah” gazetı: “Çavuşoğlunnan xäräkät yullaması”

Tışqı êşlär ministrı Mäwlüt Çavuşoğlu Süriyäneň tön’yağındağı “YPG/PKK” terror oyışması tämeklärenä qarşı kiçä başlatılğan “Solıx çişmäse” xäräkäte belän bäyle bularaq: "Xäräkätebez xalıqara xoquq, Berläşkän Millätlär Oyışması şartnamäseneň 51nçe maddäse häm BMO İminlek şurasınıň terrorçılıq belän köräşkä qağılışlı qararları nigezendä başqarıla”, - dip äytte.

“Xäbär Türk” gazetı: “İbrahim Qalın AQŞ Milli iminlek kiňäşçese belän söyläşte”

İlbaşı idaräse süzçese İbrahim Qalın kiçä AQŞ Milli iminlek kiňäşçese ilçe Robert C. O'Brayen belän telefonnan söyläşte. İlbaşı idaräsennän yasalğan belderügä kürä, Qalın-O'Brayen söyläşüe waqıtında Süriyäneň tön’yağında imin töbäkneň buldırıluı häm şuşı ölkädä monnan soň yasaluı küzdä totılğan adımnar quzğatıldı.

“Star” gazetı: “Täkirdağda bay tabiği gaz rezervı tabıldı”

Törkiyä neft’läre akśionerlıq cämğiyäteneň Täkirdağnıň Kapaklı ilçäsendä alıp barğan tabiği gaz êzläw êşçänlege näticäsen birde. Töbäktä bay tabiği (tabiğıy) gaz yatması tabıldı.

“Watan” gazetı: “Dön’ya bankı Törkiyä öçen üseş isäpläwen yaňarttı”

Dön’ya bankı Törkiyä iq’tisadı öçen 2019nçı yıl üseş isäpläwen yuğarığa taba yaňarttı. 2019nçı yılda Törkiyä iq’tisadınıň 1%qa azayaçağına qağılışlı kötkänen 0,0% bularaq üzgärtüçe Dön’ya bankı 2020nçe häm 2021nçe yıl öçen milli tulayım tabış üseş isäpläwlären dä 3,0% häm 4,0% bularaq qabatlap täqrarladı.