Törek matbuğatına küzätü 1.10.2019

“Yaña Şäfaq’” gazetı beldergänçä, “Ärdoğan “Vaşington Post”qa Törkiyä Qaşıqçı cinayäten yaqtırtu êşçänlegen däwam itäçäk dip yazdı”   

İlbaşı Räcäp Tayyip Ärdoğan Soğud Ğaräbstanı jurnalistı Cämal Qaşıqçının üterelüe turında “Vaşington Post” gazetına mäqalä yazdı. Ul älege waqıyğanı 21nçe ğasırnıñ iñ zur häm bäxäsle cinayäte dip atıy. “Çönki 11nçe sentyabr’däge terrorçılıq höcümennän soñ bernindi waqıyğa xalıqara tärtipkä bu qadär yanamadı, dön’ya tarafınnan qabul itelgän qağıydälärgä qarşı çıqmadı,”-dip yazdı ul. Ärdoğan Törkiyäneñ Qaşıqçı cinayäten böten neçkälekläre belän yaqtırtu öçen tırışaçağın belderä.

“Watan” gazetı xäbär itkänçä, “Ministr Bärat Albayraq 3 yıllıq Yaña iq’tisad programmasın açıp saldı”

Törkiyä qazna häm finans ministrı Bärat Albayraq kiçä Yaña iq’tisad programması cıyılışında çığış yasadı. Ul bıyılğı programmanıñ töp teması “Üzgäreş başlana” dip ataluın assızıqladı. Andağı maqsatlarnıñ berse - 2022nçe yılğa qadär inflyaśiyäne 4,9%qa qadär töşerü.

“Xörriyät” gazetı “Törek hawa yullarınıñ Könçığış Awrupa häm Balkannarda taşlamalar kampaniyäse” xaqında citkerä

Törek hawa yulları älege yünäleşlärdä bik küp noqtağa 119 dollardan başlanuçı bäyälär belän oçu mömkinlege täq’dim itä.

“Sabax” gazetı “Törkiyä täwge 8 ayda 31 millionnan artıq çit il keşesen qunaq itte” dip yaza

Törkiyäneñ turizmda tiz üseşe däwam itä. Yılnıñ berençe 8 ayında il 31 millionnan artıq çit il keşesen qunaq itte. Avgust ayında, uzğan yılnıñ şul uq çorı belän çağıştırğanda, 17,17% artu küzätelde.

“Star” gazetı citkergänçä, “Törkiyä qorallı köçläre inventarenä lazer mıltığı Armol östälde”

Bu xaqta Törkiyä sänäğat’ häm texnologiyä ministrı Mostafa Varank üzeneñ Twitter xisabın aşa belderde. İldä yasap çığarılğan qoral qabul itü sınawların uñışlı ütkän.