Dönya matbuğatına küzӓtü 26.09.2019

Germaniyaneñ Weser-Kurier.de internet sӓxifӓse Germaniyaneñ Ukrianağa krizis başlanğannan birle barlığı 1,4 milliard yevro külӓmendӓ yӓrdӓm kürsӓtüen yaza.  

İspaniyadӓ kön kürüçe “El Pais” gazetı beldergӓnçӓ İspaniya hӓm Greśiya citӓkçeleklӓre Parij hӓm Berlinnıñ qaçaqlarnı büleşü proyektına rizasızlıq belderӓ.

Şul uq ilneñ “El Mundo” basması xӓbӓrenӓ kürӓ Yuğarı Mӓxkӓmӓneñ diktatör Frankonıñ qaber urının almaştıru qararınnan soñ êlekke diktatornıñ onığı qarşı çığıp: “Ülgӓnnӓrne tınıçsız itü qurqaqlar êşe,” – dip belderde.

İspaniyadӓ çığuçı “La Vangardia” gazetı Kolumbiya dӓwlӓt başlığınıñ BMOdağı çığışında Venesuêla xökümӓten ELN terrorçıları hӓm narkokartel’lӓr belӓn xezmӓttӓşlek başqaruda ğayeplӓwen yaza.

Rusiyӓneñ Ria Novosti xӓbӓre agentlığı beldergӓnçӓ Ukraina ilbaşı Vladimir Zelenskiy Rusiyӓ tışqı êşlӓr ministrı Sergey Lavrovnıñ üze belӓn tanışırğa telӓwen hӓm Donbasstağı krizisnıñ betӓçӓgen ömet itüen ӓytte.

Şul uq ilneñ TASS agentlığı AQŞ dӓwlӓt başlığı Donal’d Trampnıñ çӓrşӓmbe könne yasağan açıqlawında Ukraina ilbaşı Zelenskiy belӓn ütkӓrgӓn berençe telefon söylӓşüeneñ tekstın açıqlarğa ӓzer buluın ӓytüen citkerӓ.

“İzvestiya” basması xӓbӓrenӓ kürӓ Rusiyӓneñ Azur-Air hawa yullarına bӓyle Boeing 767-300 oçqıçınıñ Barnaul aêroportına kisken kilep utıruı nӓticӓsendӓ yaralanuçılar sanı 56ğa citte.

“Al-Quds Al-Arabi” gazetı beldergӓnçӓ Amerikan MSNBC televideniyese AQŞ dӓwlӓt başlığı Trampnıñ çığışın turıdan-turı tapşırğan waqıtta translyaśiyane tuqtatıp, tübӓndӓge belderüne yasadı: “Ğafu ütenӓbez, lӓkin ilbaşı yalğan söyli.”

“Al-Watan” basması Törkiyä ilbaşı Räcäp Tayyip Ärdoğan AQŞ ilbaşı TRamp belӓn BMO Ğomüm şurası marjında küreşte.

Angliyadӓ çığuçı bӓysez ğarӓp gazetı “Al-Şark Al-Avsat” Riyad hӓm Vaşington citӓkçeleklӓreneñ Soğud Ğarӓbstanına Amerikan saqlanu köçeneñ cibӓrelüe mӓs’ӓlӓsen qarawın yaza.