Törek matbuğatına küzätü 24.09.2019

“Xörriyät” gazetı “F-16lar Süriyädä oçtı” dip yaza

Törkiyä milli saqlanu ministrlığı “Tabiğıy qararlılıq” qısalarında Hawa quätläre komandalığınıñ ike F-16 oçqıçınıñ säğat’ 10nan 12gä qadär Süriyä östendä oçuın belderde.   

“Sabax” gazetı xäbär itkänçä, “Qıtayğa söt satu öçen kileşü tözelde”

Törkiyä awıl xucalığı häm urman ministrı Bäkir Pakdämirli Qıtayğa söt satu maqsatı belän Veterinar sälamätlek sertifikatı nisbätennän kileşü täêmin itelüen belderde. Ul kiçä Xalıqara sötçelek federaśyäse tarafınnan İstanbulda oyıştırılğan “Bötendön’ya söt sammitı”nda çığış yasadı.  

“Watan” gazetı yazğança, “Törkiyä hawa yullarınıñ yaña oçqıçınıñ iseme bilgele buldı”

Törek hawa yulları üz flotına quşılğan Airbas A321 NEO tibındağı oçqıçqa Sivrihisar iseme birde. Bu xaqta şirkätneñ matbuğat belän êlemtä kiñäşçese Yax’ya Üstün sośial’ media xisabınnan belderde.

“Star” gazetı citkergänçä, “İstanbul aêroportı Pol’şağa ilham bula”  

Pol’şa infrastruktura ministrı urınbasarı Nikolay Vil’d Varşava tiräsendä tözeläçäk Üzäk aêroport öçen İstanbul aêroportınnan täcribä öyränülären belderde. Alar ob’yektnı ictimağıy-şäxsi sektor urtaqlığı häm finans yağınnan centekläp tikşergän. “İstanbul aêroportınıñ finans strukturası bezneñ öçen ilham birüçe. İstanbuldağı proyektta urın alğan şirkätlär belän xezmättäşlek itärgä telibez,”-dide Vil’d.   

“Xäbär Türk” gazetı “AQŞ cırçısı Della Maylz Mäwlana törbäsen zıyarät itte” dip yaza

Mäşhür cırçı Xalıqara mistik muzıka festivalendä qatnaşu öçen Kon’yağa kilde. Şunın qısalarında ul sufi Mäwlana Cäläletdin Ruminıñ törbäsenä bardı. Bilgele bulğança, Della Maylz Törkiyägä yäşärgä küçenep islam dinen qabul itte.