Törek matbuğatına küzätü 19.09.2019
19nçı sentäbr’ könne basılıp çıqqan qayber törek gazetlarına küzätü
“Sabah” gazetı: “Ärdoğan: “2 atnada näticä ala almasaq üz adımıbıznı yasarbız”
İlbaşı Räcäp Tayyip Ärdoğan kiçä 2019-2020 uqu yılı tantanasında yasağan çığışında könbatış illäreneñ samimiyätsez totışı arqasında çişelmäwçänlekkä kergän Süriyä qaçaqları häm imin töbäk mäs’äläsendä "2 atna êçendä näticä alınmassa üz adımıbıznı yasarbız”, - dip äytte.
“Watan” gazetı: “Ministr Päkcannan İran belän mönäsäbätlärgä qarata açıqlaw”
Säwdä ministrı Ruhsar Päkcan kiçä başqala Änkarada Törkiyä-İran êş forumında yasağan çığışında İran belän mönäsäbätlärneñ konstruktiv häm êş dönyasınıñ yulın açuçı yünäleşkä kerüen belderep: "Preferenśial’ säwdä kileşüen tağın da täêsirle, aktiv qullanıp, säwdä külämen yañadan tizlätüdä täwäqqälbez”, - dip äytte.
“Yäni Şafak” gazetı: “Törkiyäneñ 2023 sänäğäte häm texnologiya strategiyası açıqlandı”
Sänägät’ häm texnologiya ministrı Mustafa Varank kiçä başqala Änkarada uzdırılğan Sänäğät’ häm texnologiya strategiyasın tanıtu cıyılışında milli keremdä êşkärtüçe sänäğät’neñ öleşen 2023nçe yılda 21%qa citkerüne maqsat itülären belderde. Varank: "Törkiyäneñ köçle texnologiya ölkäsendä global’ külämdä marka bulaçaq kim digändä 23 aqıllı êşlänmä êşläp çığaruın maqsat itäbez. Maqsatlarıbızğa ireşü öçen sänäğät’ strategiyabızda 5 töp komponent häm 23 tübän säyäsät bilgelädek”, - dip äytte.
“Star” gazetı: “Sälçuk Bayraqtar “Aqıncı”nıñ berençe oçış waqıtın açıqladı”
“Baykar” texnik mödire häm Törkiyä texnologiya taqımı waqıfı popeçitel’lär şurası başlığı Sälçuk Bayraqtar Törkiyäneñ cirle häm milli citeşterüe bulğan keşesez höcüm hawa apparatı “Aqıncı”nıñ berençe oçışın üktäbr’ ayında yasarğa teläwlären äytte.
“Xörriyät” gazetı: “THYdän Qıtaynıñ Xian qalasına säfär”
Törek hawa yulları (THY) akśionerlıq cämğiyäte Qıtaynıñ Xian qalasına daimi säfärlärneñ başlatıluın belderde. Cämäğätçelekne yaqtırtu platformasında basılğan belderüdä: "Urtaqlığıbız tarafınnan bazar şartlarına bäyle bularaq Qıtaynıñ Xian qalasında daimi säfärlärneñ başlatıluı qararına kildek”, - dip äytelde.
