Törek matbuğatına küzätü 18.09.2019

“Star” gazetı Ärdoğannıñ Awrupa Berlege belän viza irege söyläşüläre prośessı kürsätmäsen alğı planğa çığara

İlbaşı Räcäp Tayyip Ärdoğan “Awrupa Berlege belän viza irege dialogı prośessı”na bäyle kriteriylarnıñ täñgäl kilüe yünäleşendäge êşçänlekne tizlätü öçen kürsätmä bastırdı.

“Sabax” gazetı tışqı êşlär ministrlığınıñ Greśiyägä qatğıy reakśiyäse turında yaza

Törkiyä tışqı êşlär ministrlığı “Muratpaşa Bälädiyä Spor” häm PAOK komandalarınıñ gandbol matçında bulğan bayraq krizisı öçen ğayepläw belderüe çığardı. Anda älege waqıyğanıñ Greśyädäge şovinist millätçelär häm fanatiklarnıñ yäm’sez yözen tağın ber qat kürsätüe assızıqlana. İke ilneñ komandaları oçraşqan stadionda Greśiyä bayrağın kütärälär, ämma Törkiyäneken kütärügä qomaçawlıylar.  

“Yaña Şäfaq’” xäbär itkänçä, Texnofest İstanbulda kürsätelgän Cäzäri oçuçı maşina zur qızıqsınu uyattı

Milli mömkinleklärne qullanıp 9 ay şikelle qısqa waqıt êçendä yasalğan oçuçı maşina “Cäzäri” Texnofest aviaśiyä, ğaläm häm texnologiyä festivalendä kürgäzmägä quyıldı. Ul kiläçäktä şähär êçe transportı bularaq qullanılaçaq. Cäzäri festival’dä bik küplärneñ iğ’tibarın cälep itte.  

“Xäbär Türk” gazetı yazğança, yörtüçesez texnikağa iñ zur qızıqsınunı Törkiyä kürsätä

Dön’yaküläm tikşerenülär kürsätkänçä, avtonom maşinalar belän qızıqsınuçılar arasında Törkiyä berençe urında. Annan soñ Germaniyä, Angliyä häm AQŞ kilä.

“Xörriyät” gazetı “San 11 millionnan arttı. Barlıq zamannarnıñ rekordı yasaldı” dip yaza

“Turizm başqalası” dip yörtelüçe Antaliyägä bıyılnıñ 1nçe ğıynvarınnan 15nçe sentyabr’gä qadär 11 million 600 meñnän artıq çit il turistı kilde. Bu - rekord san.