Törek matbuğatına küzätü 17.09.2019

“Yaña Şäfaq’” gazetı “İñ ozın sammit” digän mäqalä belän urtaqlaşa

Törkiyä ilbaşı Räcäp Tayyip Ärdoğan, Rusiyä däwlät başlığı Vladimir Putin häm İran liderı Xäsän Ruxani Änkarada oçraşıp Süriyäneñ kiläçäge turında söyläşte. Ul kiçä irtänge säğat’ 11 tulıp 30 minutta başlandı häm kiçke 9ğa qadär däwam itte.  

“Sabax” gazetı “İlbaşı idaräsennän Ärmänstanğa kisken reakśiyä” dip yaza

Törkiyä ilbaşı kiñäşçese Fuat Oktay Azärbaycannıñ başqalası Baqıda uzuçı forumda çığış yasadı häm il territoriyäseneñ yaqınça biştän beren basıp alğan ärmän okkupaśiyäsenä çik quyu öçen härwaqıt berdäm köç quyaçaqların assızıqladı. “1 millionnan artıq qardäşebezneñ üz cirlärenä tizräk kire qaytuı iñ zur telägebez,”-dide ul.  

“Xäbär Türk” gazetı Texnofest turında citkerä

Uzğan yıl İstanbul aêroportında täwge tapqır oyıştırılğan festival’ bıyıl Atatörek aêroportında uza. Ul dön’yanıñ iñ zur ikençe aviaśiyä çarası buldı. Bıyıl Texnofest 17nçe-22nçe sentyabr’ könnärendä uza.

“Xörriyät” gazetı xäbär itkänçä, “20 yılnıñ rekordı yasaldı”

Ênergetika häm qazılma baylıqlar ministrı Fatix Dönmäz Törkiyädä neft’ citeşterüneñ köndälek 50 meñ barrel’ne uzıp sonğı 20 yılnıñ iñ yuğarı kürsätkeçenä ireşüen belderde.

“Watan” gazetı citkergänçä, üzäk idarä byudjetı avgust ayında 576 million lirağa artığraq birde

Törkiyä qazna häm finans ministrlığı mäğ’lümatlarına qarağanda, 2019nçı avgust ayında byudjetqa kerem, uzğan yılnıñ şul uq çorı belän çağıştırğanda, 34,1 prośentqa arttı häm 94 milliard lirağa citte.