Törek matbuğatına küzätü 13.09.2019

“Star” gazetı: “Törkiyäneñ yumartlığın täq’dir itäbez”

Niderlandnıñ İstanbul Baş konsulı Bart van Bolhuis Törkiyäneñ qaçaqlar öçen kürsätkän yumartlığın täq’dir itülären belderde.

“Sabah” gazetı: “Üzäk Bank rezervları arttı”

Törkiyä Cömhüriyät Üzäk bankı (TCMB) tuplam rezervları uzğan atnada 347 million dollarğa artıp, 101 milliard 852 million dollar buldı.

“Xörriyät” gazetı: “Hong Konglı yärminkä zur firması törek käsepçeläre öçen kilde”

Yıraq Könçığışnıñ iñ zur yärminkälären oyıştıruçı “Mega Show”nıñ citäkçeläre törek öy häm aş bülmäse sänäğätçeläre belän oçraşu öçen Törkiyägä kilde.

“Xäbär Türk” gazetı: “Törkiyädäge muzeylar marka bula”

Mädäniyät häm turizm ministrlığı muzeylarnı markağa äyländerü maqsatınnan çığıp yaña ber ğamäl başlattı. 

“Watan” gazetı: “Dön’yanıñ iñ yaxşı universitetları arasına Törkiyädän 34 universitet kerde”

Üzäge Londonda urnaşqan yuğarı uqu yortların bäyäläw oyışması “Times Higher Education” (THE) 92 ildän 1300dän kübräk yuğarı uqu yortınıñ sıyfat isemlegen äzerläde. Bıyıl Törkiyädän cämğise 34 universitet isemlekkä kerde. Törkiyädän isemlekkä yaña kergän 11 universitet belän isemlektäge wäkillek itelü küläme yaqınça 50%qa arttı.