Törek matbuğatına küzätü 12.09.2019

“Xäbär Türk” gazetı “Törkiyä Netan’yaxunıñ anneksiyä xäbärenä kisken reakśiyä belderde” dip yaza

İzrail xökümäte räise Bin’yamin Netan’yaxu Yordan üzänlegen tartıp alacağın beldergän ide. Törkiyä tışqı êşlär ministrlığı moña kisken rizasızlıq kürsätte. Alar açıqlaw yasap, bu adımnı İzrailneñ distälärçä yıllar alıp baruçı basıp alu säyäsäteneñ yaña küreneşe dip atadı.

“Xörriyät” gazetı xäbär itkänçä, “Törkiyä belän Niderland arasında üzara añlaşu memorandumı imzalandı”

Törkiyä säwdä ministrı Ruhsar Päkcan älege dokument nigezendä ike il arasında kiñ külämle xezmättäşlek alıp barılaçağın äytte. Ul üz êçenä ikeyaqlı investiśyälär, ênergetika, transport, aqıllı şähär proyektları, kabat êşkärtü iq’tisadı, fän tarmaqların ala.  

“Yaña Şäfaq’” gazetı “Breksit Törkiyä öçen forsatlar belän tulı” dip citkerä

Bu xaqta Törkiyä ilbaşı idaräse investiśiyälär ofisı räise Arda Ärmutnıñ süzlärenä tayanıp yazalar. Ul Angliyä belän köçle iq’tisadi mönäsäbätlärneñ Breksittan soñ tağın da üsäçägen farazlıy.

“Watan” gazetı xäbär itkänçä, “Malayziyädä Törkiyä saqlanu sänäğate tanıtıldı”

Älege ildä uzğan “Törek dronnarı häm aviaśiyä industriyäse: texnologiyä häm forsatlar” çarasında keşesez hawa apparatları häm qorallı dronnarnı kürgäzmägä quydılar.

“Sabah” gazetı “Awrupa Törkiyädä kiyenä” dip yaza

İl ağımdağı yılnıñ berençe yartıyıllığında 162 däwlätkä 3 milliard 304 million 418 meñ dollarlıq tuqılmağan kiyem-salım häm aksessuarlar sattı. Êksportyerlar arasında aldınğı urında Awrupa däwlätläre. İñ küp satıp aluçı İspaniyädä. Alar 646 million dollarlıq tovar kitertkän.