Törek matbuğatına küzätü 06.09.2019

“Xäbär Türk” gazetı: “Törkiyä belän Rusiyä arasında “SU-35” häm “SU-57” söyläşüe”

Rusiyä diplomatik çığanaqları İlbaşı Räcäp Tayyip Ärdoğannıñ Rusiyädä “MAKS-2019” Xalıqara aviaśiya häm ğaläm yärminkäsendä qatnaşuı häm biredä bişençe buın “SU-57” xärbi oçqıçına uñay qarawınnan soñ ike il arasında “SU-35” häm “SU-57” belän qağılışlı söyläşülärneñ başlawın xäbär itte.

“Xörriyät” gazetı: “Putin: “Törkiyä  G-7gä alınsın”

Rusiyä Däwlät başlığı Vladimir Putin, Rusiyäneñ  G7 belän xezmättäşlekkä açıq buluın belderep: "Törkiyä S-400ne alğannan soñ hawa saqlanuın köçäytte. Qıtay häm Hindstan belän ber rättän Törkiyäneñ dä xalıqara häm töbäktäge role qısalarında şuşındıy formatta (G7) buluı yaraşlı bulaçaq”, - dip äytte.

“Sabah” gazetı: “Törkiyä häm Azärbaycan üz köçen täq’dir itte”

Azärbaycan häm Törek hawa köçläreneñ urtaq xärbi künegüläre "TurAz börkete 2019" Azärbaycanda däwam itä. Törkiyä häm Azärbaycan hawa köçläre tarafınnan ike il arasındağı ber yıllıq xärbi xezmättäşlek planı qısalarında 2nçe sentäbr’dä başlatılğan xärbi künegülärneñ dürtençe könendä dä oçışlar başqarılıp törle wazıyfalar ütälde. Paqıstan hawa köçläre küzätüçeläre dä qarağan xärbi uyınnar 16nçı sentäbr’gä qadär uzdırıla.

“Star” gazetı: “Tışqı säwdä defiśitı 8 ayda 61,3%qa töşte”

Törkiyä êksportçılar assambleyasınıñ tarmaqlar şurası äğ’zase Röstäm Çätinkaya yasağan belderüendä yılnıñ 8 ayında êksport artqan bulsa, importnıñ azayuın belderde. Çätinkaya: "Êksporttağı kütärelü belän bergä ber’yulı yäşängän importttağı azayu da tışqı defiśıtın yılnıñ berençe 8 ayında 61,3% töşü belän 19 milliard 662 million dollarğa kimette”, - dip äytte.

“Yäni Şafak” gazetı: “Dön’yada iñ küp ziyaret edilen şehirler belli oldu: Türkiye'den 2 kent var”

Finans şirkäte “Mastercard” 2018 mäğ’lümatlärenä nigezlänep dönya külämendä “iñ küp çit il keşese kilgän şähärlär 2019" indeksın bastırdı. 200 şähär bäyälängän 2019 isemlegendä İstanbul häm Antaliya berençe unlıqqa kerde. İstanbul isemlektä 13 million 400 meñ çit il turistı belän 8nçe, Antaliya 12 million 400 meñ belän unınçı urında tora.