Törek matbuğatına küzätü 02.09.2019

.

“Star” gazetı “Rusiya Törkiyäneñ Süriyädä ışanıçlı imin töbäk taläbeneñ legal’ buluın belderde” isemle yazmasında Törkiyä häm Amerika Quşma Ştatlarınıñ Süriyä çik buyında ışanıçlı imin töbäk tözüne küzdä totqan kileşüenä bäyä birgän Rusiya Federaśiyäse tışqı êşlär ministrı Sergey Lavrovnıñ Süriyäneñ tön’yaq – könçığışınıñ üzençälekle ber töbäk buluın belderep, Rusiya Federaśiyäse däwlät başlığı Vladimir Putinnıñ Törkiyäneñ biredäge iminlek mänfäğät’läreneñ legal’ buluı turında äytüen citkerä.  

”Sabah” gazetı  “Akıncı” keşesez hawa apparatın sınap qaraw bette” isemle xäbärendä keşesez hawa apparatları citeşterüçe “Baykar” firması texnik mödire Sälçuk Bayraktarnıñ “Akıncı” keşesez hawa apparatın sınap qaraw êşçänlegeneñ tögällänüe turında äytüen belderä. Bayraktar “Akıncı”nıñ motorın täwge tapqır êşätü mizgelen sośial’ media aşa urtaqlaştı.

”Xörriyät” gazetı “Azärbaycanğa vizasız säyäxät başladı” isemle yazmasında Azärbaycan belän Törkiyä arasında täêmin itelgän viza kileşüe qısasında 1 nçe sentyabr’dän başlap Azärbaycanğa baruçı Törkiyä watandaşlarınıñ 30 köngä qadär bu ildä  vizasız qala aluı turında yaza.

”Xäbär Törek” gazetınıñ “Antaliya turizmda rekordlar quya” isemle xäbärennän kürengänçä, Antaliyağa 1 nçe ğıynwar – 31 nçe avgust könnäre arasında hawa yulı belän 10 million 765 meñ 946 turist kilde. Bu isä uzğan yılnıñ şul uq çorı belän çağıştırğanda 16,66%qa kübräk. Antaliyanıñ bıyılğı maqsatı – 16 million turistnı qunaq itü.

”Yaña Şafak” gazetı “Cıyılma komanda çempionatqa uñışlı kereşte” isemle xäbärendä Törkiyä cıyılma basketbol komandasınıñ Qıtyda uzyuçı 2019 FIBA dönya çempionatınıñ täwge matçında Yaponiya komandası belän köç sınaşuın häm 86-67 isäbe belän ciñüe yawlawın uquçıları belän urtaqlaşa. Cıyılma komanda 3 nçe sentyabr’dä Amerika Quşma Ştatları komandası belän uynayaçaq.