Törek matbuğatına küzätü 19.08.2019

”Xäbär Törek” gazetı “Törkiyä Könçığış Urta diñgezdäge xoquqlarınnan waz kiçmäyäçäk” isemle xäbärendä “Ğadälät häm qalqınu” partiyäse süzçese Ömär Çälikneñ Törkiyäneñ 2017 nçe yılnıñ aprelendä “Barbaros Hayreddin Paşa” isemendäge seysmik köymäse belän Urta diñgezdä uglervodorod êzläw êşçänleklärenä kereşüe , 2019 nçı yılda “Fatih” häm “Yavuz” borawlaw köymälären töbäkkä cibärep xoquq häm mänfäğät’lären yaqlawı turında äytüen belderä.  

 “Star” gazetınıñ “620 meñ süriyäle öçen ömet çatqısı” isemle xäbärennän kürengänçä, Törkiyä belän Amerika Quşma Ştatları arasında söyläşelgän Süriyädä tınıçlıq koridorı “PKK/YPG” separatist terror oyışmasınıñ Törkiyägä yanawın beteräçäk häm öyärennän yıraqta yäşäwçe meñnärçä süriyäleneñ öylärenä kire qaytuı öçen ömet bulaçaq.

”Vatan” gazetı ”Süriyä çik buyına xärbi berleklär küçerü däwam itä” isemle xäbärendä Şanlıurfanıñ Cäylanpınar ilçäsenä köbäle texnika häm xärbi berleklär cibärelüen xäbär itä. Alarnıñ Süriyä çik buyındağı xärbi berleklärgä östämä köç itep itep cibärelüe belderelä.

”Xörriyät” gazetı “Törkiyä 4 êşlänmä citeşterü häm êksportlawda dönyada lider” isemle xäbärendä Törkiyä çikläwege ,töçe çiyä, incir häm abrikosınıñ böten dönyağa cibärelüen uquçıları belän urtaqlaşa. Dönyada çikläwek citeşterüneñ 67%ı, töçe çiyäneñ 26%ı, incirneñ 27%ı, abrikosnıñ 23%ı Törkiyädä citeşterelä häm mondıy kürsätkeçlär belän ul dönyada berençe urında tora.

”Yaña Şafak” gazetı “Törkiyä Qıtayğa märmär häm töçe çiyädän soñ söt êşlänmäläre dä cibäräçäk” isemle xäbärendä  Amerika Quşma Ştatlarınnan awıl xucalığı êşlänmäläre alunı çiklägän Qıtaynıñ ixtıyacın qanäğät’länderü öçen berençe çiratta Törkiyä bulu belän bergä başqa bazarlarğa yünälüen citkerä. Törkiyä märmär häm töçe çiyädän soñ Qıtayğa söt häm söt êşlänmäläre sata başlayaçaq.