Törek matbuğatına küzӓtü 06.08.2019

“Xӓbӓr türk” gazetı Törkiyӓ tışqı êşlӓr ministrı Mӓwlüt Çavuşoğlunıň Könçığış Urta diňgez mӓs’ӓlӓsendӓ yasağan açıqlawına urın birӓ: “Greŝiyane töbӓktӓge barlıq mӓs’ӓlӓlӓrdӓ ike yaqlı qazanu nigeze qısalarında partnyer bularaq kürergӓ telibez. Ӓydӓgez, xalıqlarıbıznıň mullığı öçen bergӓ êş başqarıyq. Bu töbӓkkӓ qağılışı bulğan hӓrkemgӓ yullama ber ük. Bezneň belӓn xezmӓttӓşlek başqarığız, hӓrkem qazansın.”

“Sabah” gazetı Sӓnӓgӓt’ hӓm texnologiya ministrı Mostafa Varanknıň Törkiyӓ Palatalar hӓm Birjalar berlege başlığı Rifat Hisarcıklıoğlu hӓm Törkiyӓneň avtomobil’ êşxanӓ törkeme belӓn küreşep söylӓşüen yaza.

Xӓbӓrgӓ kürӓ cıyılışta cirle avtomobil’neň berençe prototip modele qaraldı.

“Xörriyӓt” gazetı beldergӓnçӓ Sӓwdӓ ministrı Ruhsar Pekcan AQŞ Sӓwdӓ ministrı Vilbur Ross belӓn telefonnan söylӓşü ütkӓrde.

Xӓbӓrdӓ törek ministrınıň telefon söylӓşüe belӓn bӓyle tübӓndӓge süzlӓre urın ala: “Xörmӓtle Rossnıň yanındağı wӓkillek belӓn sentӓbr’ ayınıň berençe yartısında Törkiyӓgӓ rӓsmi sӓfӓr yasawı mӓs’ӓlӓsendӓ kileştek.”

“Star” gazetı “Törkiyӓ hӓm Finlyandiya Rusiyӓ kük kiňlegen tikşerӓçӓk” isemle xӓbӓren Rusiyӓ Saqlanu ministrlığı basması bulğan “Krasnaya Zvezda”ğa tayanıp citkerӓ.

Gazet yazuınça Törkiyӓ hӓm Finlyandiyadӓn wӓkilleklӓr arasında tözelgӓn Açıq kük kiňleklӓre kileşüe qısalarında Rusiyӓ östendӓ Törkiyӓneň CN-235 oçqıçı belӓn kiçӓ başlanğan hӓm 9 avgust könenӓ qadӓr dӓwam itӓçӓk küzӓtü oçışı çınğa aşırılaçaq.

“Watan” gazetı “Törkiyӓ organ küçerep utırtuda ikençe” isemle xӓbӓren Press agentlığı hӓm PRNetnıň İpsos mӓğlümatlarına nigezlӓnep citkerӓ.

Xӓbӓrgӓ kürӓ Törkiyӓ organ küçerep utırtuda 72% belӓn ikençe urında. İsemlektӓ 74% belӓn Hindıstan berençe. İkençe urında isӓ Törkiyӓ hӓm İspaniya.