Törek matbuğatına küzätü 2.08.2019

“Star” gazetı yazğança, “PKK terrorçı oyışması êçendä qurqu häm panika yuğarı noqtasında”

Törek qorallı köçläreneñ Pänçä-1 häm Pänçä-2 operaśiyäläre näticäsendä PKK/KCK terrorçı oyışmaları awır xälgä qaldı. Bu atamannarnıñ kürsätmälärenä dä çağıla. Oyışma suğışçıları: “Utırğan cirdän kürsätmä birü caylı, kilep üzegez êşlägez dä kürik,”-dip baş kütärä.

“Yaña Şäfaq’” gazetı xäbär itkänçä, kadastr ğomum idaräse 5 ildä wäkillek aça

Törkiyäneñ kadastr idaräse citäkçese Mäxmät Zäki Adlı Franśiyä, Bel’giyä häm berniçä ğaräp ilendä 5 wäkillek açarğa cıyınuların belderde. Başqa däwlätlär belän dä êşçänlek däwam itä. Bu Törkiyädän toraq alırğa teläwçelärneñ êşen caylaştıraçaq. Alar torğan illärendä alu-satu êşlären başqara alaçaq.  

“Sabax” gazetı “İstanbul-İzmir avtomobil’ yulı 2 könnän açıla” dip söyençe ala

İstanbul häm İzmir arasındağı 8 säğat’ yarımlıq säyäxät waqıtın 3 säğat’ yarımğa qaldıruçı yulnıñ 192 çaqrımlıq öleşe ilbaşı Räcäp Tayyip Ärdoğan qatnaşında 4nçe avgustta açıla.

“Watan” gazetında “Törek restoranınıñ mödire kliyentınıñ ğomeren qotqardı” digän xäbär bar

Angliyä başqalası Londonda ber törek restoranı mödire Cäm Canpolat kliyentınıñ yalğış yulına kitkän rizıqnı ber xäräkät belän çığarıp, anıñ ğomeren qotqardı. Bu waqıyğa ingliz matbuğatında xäbärlärdä çıqtı.

“Xörriyät” gazetı soñğı 3 yılda turist sanınıñ 85%qa artuın yaza

Törkiyäneñ qabatlanmas tabiğıy maturlıqlarğa iyä Kapadokiyä cirlegenä kilüçe turistlarnıñ sanı 2019nçı yılnıñ täwge 6 ayında 1 million 250 meñ buldı. Yıl axırına qadär bu sannıñ 3 million buluı farazlana. Kapadokiyägä kübräk Aziyä illärennän kilälär.