Törek matbuğatına küzätü 29.07.2019

“Yaña Şäfaq” gazetı xäbär itkänçä, “Aqıllı xärbi cihaz Atom xezmäten başlıy”

Hawadan yanawlarğa qarşı Xärbi êlektron sänäğat’ tarafınnan yasalğan qoralnıñ qabul itü prośessı uñışlı tögällände. Atom dip ataluçı älege xärbi cihaz 4 çaqrımğa qadär nişan ala. Ul hawadan cibärelgän raketalar, keşesez hawa apparatları, xärbi oçqıçlar, boralaqlarğa qarşı täêsirle.  

“Xäbär Türk” gazetı yazğança, “Törkiyäneñ tışqı säwdäsendä xatın-qız berdämlege”

Törkiyä säwdä ministrı Ruxsar Päkcan êksportta törek xatın-qız êşmäkärläreneñ aktiv bularaq urın aluın täêmin itü maqsatı belän êşçänlek alıp baruların belderde. Alarnı İspaniyädäge üz êşen başlağan güzäl zatlar belän oçraştıraçaqlar. Päkcan äytüençä, urtaq säwdä häm êksport plannarı tözeläçäk.  

“Watan” gazetı “Dön’ya gigantı İstanbulda” dip yaza

Franśiyä bayrağın yörtüçe cilkänle yulçı köymäse “Klab Med 2” kiçä İstanbulnıñ Sarayburnu rayonına yakor’ attı. Andağı 303 turist korabtan çığıp şähärne qaradı. Gigant korab isä cirle xalıq häm başqa turistlarnıñ iğ’tibarın cälep itte. Ul - dön’yadağı iñ zur cilkänle yulçı köymälärennän berse.

“Star” gazetı çit ildän kilgän uquçılarnıñ Göbäklitäpägä säyäxäte turında yaza

Yunus Ämrä institutı tarafınnan tormışqa aşırıluçı cäyge uqular programması qısalarında 21 ildän Törkiyägä kilgän uquçılar Şanlıurfadağı Göbäklitäpägä bardı. Alarğa “tarixnıñ başlangıç noqtası” bularaq ataluçı cirlek turında mäğ’lümat birdelär.

“Sabax” gazetı yazğança, Rumıniyägä 33 million yevrolıq tramvay êksportı yasalaçaq

Êlektr belän êşläwçe häm rel’s sisteması texnikası citeşterüçe törek firması Bozankaya Rumıniyäneñ Timişoara şähärenä 33 million yevro bäyäsendä 16 danä tramvay yasaw tenderında ciñde.  Anıñ qısalarında, şirkät belän qala arasında kileşü imzalandı.