Törek matbuğatına küzätü 23.07.2019

“Watan” gazetı başqala Änkarada AQŞ delegaśiyäse belän oçraşu turında yaza.

Amerika Quşma Ştatlarınıñ Süriyä maxsus wäkile Djeyms Djeffri citäkçelegendäge delegaśiyä tışqı êşlär ministrı urınbasarı Sädat Önal häm törkeme belän oçraştı. Anda säyäsi prośess, İdlibtäge imin töbäk häm töp qanun komitetı turında söyläşälär.

“Sabax” gazetı Çavuşoğlunıñ F-35 häm S-400 belderüen yaza

Tışqı êşlär ministrı Mäwlet Çavuşoğlu Törkiyäneñ S-400 hawa saqlanu sisteması aluı arqasında AQŞnıñ tawış quptarğan F-35 belderüe artınnan nindi yünäleş alınacağın söyläde.

“Yaña Şäfaq’” gazetı yazğança, “S-400lärne bergä yasaw öçen söyläşülär däwam itä”

Rusiyä däwlät saqlanu sänäğate şirkäte Rostexnıñ citäkçese Sergey Çemezov S-400 hawa saqlanu sistemalarınıñ bilgele ber detal’lären Törkiyädä çığaru öçen söyläşülärneñ däwam itüen belderde. “Bez Törkiyä belän aviaśyä, boralaq yasaw häm ênergetika tarmaqlarında xezmättäşlekne kiñäytergä äzer,”-dide ul.

“Star” gazetı “Awrupa Berlegen Törkiyä turında kisättelär” dip xäbär itä

Törkiyägä dustanä qaraşlı êlekkege Şveśiyä xökümäte räise Karl Bil’dt  “Finanşel Tayms” gazetına mäqalä yazdı. Anda ul Awrupa Berlegeneñ Törkiyä belän mönäsäbätlärne bozuçı ğamällär näticäsendä yünäleşennän tulısınça adaşuın häm ähämiyäten  yuğaltaçağın äytä.

“Xörriyät” gazetı Törkiyäneñ Tripolidağı ilçelegennän êvakuaśiyä turındağı farazlarnıñ yalğan buluın citkerä

Törkiyäneñ Tripoli ilçelege binada êvakuaśiyä bulmawın belderde. Bu xaqtağı xäbärlär sośial’ mediada ğaräpçä yazmalarda kürende. Räsmi organ bolarnıñ nigezsez häm bilgele ber maqsattan yasaluın söyli.