Törek matbuğatına küzätü 27.06.2019

“Yäni Şafak” gazetı: “Ärdoğan häm Putin 29nçı iyün’dä küreşäçäk"

Kreml’ süzçese Dmitriy Peskov İlbaşı Räcäp Tayyip Ärdoğannıñ Rusiyä Däwlät başlığı Vladimir Putin belän 29nçı iyün’dä Yaponiyanıñ Osaka şähärendä oçraşu ütkäräçägen belderde. Ärdoğan häm Putinnıñ oçraşu waqıtında Törkiyäneñ xärbi inventarenä quşılaçaq “S-400”lärneñ quzğatıluı kötelä.

“Sabah” gazetı: “Yaponiyadağı “G-20” gazetında İlbaşı Ärdoğan öçen maqtaw süzläre!"

İlbaşı Ärdoğan Yaponiyanıñ Osaka qalasında oyıştırılaçaq G-20 Liderlar sammitında qatnaşaçaq. Yuğarı däräcäle oçraşu öçen äzerleklär qısalarında çığarılğan maxsus "G-20" gazetında liderlarğa urın ayırıldı. Gazetta Ärdoğan öçen 15nçe iyül’dä (2016) “Fäthullahçı” terror oyışmasınıñ tüntäreleş kereşüen uñışlı räweştä täêsirsez qıluın yaza. Ärdoğannıñ küp tapqır Yaponiyağa säfär yasawı häm konstituśion üzgäreş belän Törkiyäneñ saylanğan berençe Däwlät başlığı buluı da assızıqlandı. Ärdoğannıñ möselman lider buluına da iğ’tibar yünältelä.

“Watan” gazetı: "Dön’ya çikläwek êksportınıñ 85-90%ın ilebez başqara"

Törkiyä awıl xucalığı palataları berlege idarä şurası äğ’zase Arslan Soydan dönya külämendä çikläwek êksportınıñ 85-90%ın Törkiyäneñ başqaruın belderep: "İgençelärebezneñ ğayräte belän üsterelgän çikläwektän ilebez 2016-2017 sezonında 1 milliard 900 million dollar, 2017-2018 sezonında isä 1 milliard 800 million dollar êksport keremen täêmin itte”, - dip äytte.

“Star” gazetı: "THY 5 ayda Yıraq Könçığış bazarında 2,3 million yulçığa ireşte"

Törek hawa yulları (THY) Yıraq Könçığış bazarında bıyıl berençe 5 ayda yulçı tulılıq külämen 85%qa, yulçı sanın isä 4,3% artu belän 2 million 300 meñgä citkerde. THY yaña kiñ korpuslı oçqıçlarnıñ flotqa quşıluı belän Yıraq Könçığış bazarında yaña säfärlärdä dä oçaçaq.

“Xörriyät” gazetı: "Här kön tağın da kübräk keşe bula! Här ildän keşe kilä..."

Törkiyäneñ häm dönyanıñ yaratılğan turizm qalası Muğla Bodrumda cirle häm çit il turistları küpläp kilä. Bodrum qunaqxanälär cämğiyäte ğomum särkätibe Orhan Kavala çit il turist sanında yaxşı artunıñ küzätelüen belderep: "İlçädä Angliya, Rusiyä, Ukraina, Germaniya, Bel’giya häm Franśiya watandaşı qunaqlar küpçelektä”, - dip äytte.