Törek matbuğatına küzätü 20.06.2019

”Xörriyät” gazetı “BMOnıñ Qaşıqçı xisabına Törkiyädän xuplaw” isemle xäbärendä Törkiyä tışqı êşlär ministrı Mävlüt Çavuşoğlunıñ  Berläşkän Millätlär Oyışması xisapçısı Agnes Kallamarnıñ Soğud Ğäräbstanı jurnalistı Cämal Qaşıqçı cinayäten yaqtrtu,aña  açıqlıq kertü ,cawaplı keşelärneñ cawap birüe belän bäyle kiñäşlären xuplawları turında äytüen citkerä.

”Vatan” gazetı ”Terror oyışmasına tağın ber höcüm” isemle xäbärendä Törkiyä êçke êşlär ministrlığınıñ Tuncäli qırlarında jandarmeriya törkemnäre oyıştırğan operaśiyälärdä 3 terrorçınıñ täêsirsez xälgä kiterelüen açıqlawı turında yaza.

”Sabah” gazetı “Törek hawa yullarınıñ xıyaldağı oçqıçınıñ täwge videosı” isemle xäbärendä Törek hawa yullarınıñ “xıyaldağı oçqıç” iseme birelgän “Boeing 787-9 Dreamliner”nıñ kabina videosınıñ dönya kürüen xäbär itä. 300 yulçı sıydırışlı oçqçnıñ ayıruça business utırğıçları iğ’tibarnı cälep itä. Älege oçqıç täwge säfären 8 nçe iyül’dä İstanbuldan Antaliyağa başqaraçaq.

”Xäbär Törek” gazetı ”Marmarista kruiz turizmı” isemle xäbärendä Mal’ta bayrağı êlengän “Gorizont” isemle kruiz köymäseneñ kübese ispannar bulğan 1460 yulçı häm 615 keşelek êkipaj belän Marmaris portına kilüen uquçıları belän urtaqlaşa. Yulçılar tamğaxanädäge êşlärdän soñ Marmaris bazarın ,nığıtma êçen, portnı gizde. Turistlarnıñ qayberläre kafelarda utırıp yal itte,qayberläre satıp alu belän şöğıl’lände.

”Star” gazetı “Rusiyädä törek kinosı könnäre başlandı” isemle xäbärendä Rusiyädä Mäskäwdäge Yunıs Amrä institutı oyıştırğan Sankt-Peterburg törek kinosı könnäreneñ uzğan kön başlawın xäbär itä. Çarada 7 fil’m subtitrlı bularaq kino söyüçelägä täq’dim iteläçäk.