Törek matbuğatına küzätü 14.06.2019
14 nçe iyün' könne basılıp çıqqan törek gazetlarına küzätü
”Yaña Şafak” gazetı “Çavuşoğlunıñ AQŞnıñ S-400 xatına cawabı” isemle xäbärendä Törkiyä tışqı êşlär ministrı Mävlüt Çavuşoğlunıñ Amerika Quşma Ştatlarınıñ S-400 belän bäyle xatına “Bu xatnıñ stilen qabul itü mömkin tügel. Beräw dä Törkiyägä ul’timatum yasıy almıy. Törkiyä S-400 hawa saqlanu sistemaların satıp aldı. Alar Törkiyägä kiläçäk. Törkiyä mondıy tördäge xatlar belän üz qararınnan waz kiçmi” dip äytüen citkerä.
”Sabah” gazetı “Dönyanıñ iñ köçle armiyäläre” isemle yazmasında “Globalfirepower” säxifäseneñ ğaskär sanı, iq’tisadi köç, strategik wäzğiyät’ kebek mäğ’lümatlarnı nigez itep alıp dönyadağı armiyälärneñ xärbi köçenä bäyä birüe turında yaza. Älege mäğ’lümatlardan kürengänçä Törkiyä armiyäse köçle armiyälär arasında üz urının saqlap qalıp 50 il arasında 9 nçı urında tora.
”Vatan” gazetı “Törkiyägä küpläp aqça kilde” isemle xäbärennän kürengänçä global’ turıdan turı çit il investiśiyäläre 2018 nçe yılda 13%qa kimep 1 trillion 300 million dollar täşkil itte. Törkiyä isä uzğan yıl Könbatış Aziya töbägendä iñ küp turıdan turı çit il investiśiyäläre kertelgän il buldı. Törkiyägä turıdan turı çit il investiśiyäläre 13%qa artıp 13 milliard dollar bularaq terkälde.
”Star” gazetı ”Törek hawa yullarınıñ xıyaldağı oçqıçı kük yözendä” isemle xäbärendä Törek hawa yullarınıñ (THY) “xıyaldağı oçqıç” dip isem birelgän “Boeing 787-9 Dreamliner” oçqıçınıñ sınap qaraw oçışınıñ başqarıluın xäbär itä. Oçqıç ay azağında Törek hawa yulları flotında üz urının alaçaq häm täwge säfären 8 nçe iyül’dä İstanbuldan Antaliyağa yasayaçaq.
”Xörriyät” gazetı “Törkiyä êşlänmäläre Parijda” isemle xäbärendä Törek aviaśiya häm ğaläm sänäğäte milli xärbi oçqıçınıñ näq’ şundıy uq modelen 17-23 nçe iyün’dä uzaçaq Parij Airshowta täq’dim itäçak dip yaza. Törkiyä bu räweşle yaña xärbi oçqıçın Amerika Quşma Ştatları ,Rusiya, Qıtaydan soñ üze êşläp çığara aluçı asqorma häm texnologiyağa iyä buluın tağın ber tapqır kürsätäçäk.
