Törek matbuğatına küzätü 30.05.2019

“Watan” gazetı: “Ministr Akardan “Täpi tırnağı xäräkäte” belän bäyle belderü”

Milli Saqlanu ministrı Hulusi Akar “Pänçä” (täpi tırnağı”) xäräkäteneñ tämamlanuı belän maqsatlarınıñ Törkiyägä Ğiraqnıñ (Ğıyraqnıñ) tön’yağınnan yasalaçaq terror yanawınıñ tulısınça beterelüe buluın äytte. 27nçe mayda” PKK” separatist terror oyışmasına qarşı başlatılğan “Pänçä xäräkäte”nä qağılışlı kiçä belderü yasawçı Akar: "Bilgelängän terror tämekläre berençe tapqır tulısınça cirle häm milli ciröste ut açu caylanmalarıbız belän höcüm itelä”, - dip äytte.

“Xäbär Türk” gazetı: “Êlektrlı maşina batareyası öçen raslaw birelde”

Yaponnarnıñ ike zur şirkäte “Toyota” häm “Panasonic”nıñ êlektrlı maşinalarda qullanıluı öçen qamilläştergän batareyalarnı Törkiyädä êşläp çığarırğa äzerlänüe bilgele buldı. Telgä alınğan ölkädä dürt ay êlek urtaq törkem tözegän ike şirkätneñ şuşı adımınıñ 2021nçe yılda yullarğa çığaçaq “Törkiyä avtomobile” öçen bik zur ähämiyäte bar.

“Star” gazetı: “Kreml’ süzçese Peskov: “S-400”lärneñ tapşırıluı kalendar-plan nigezendä bara”

Rusiyä İlbaşı idaräse süzçese Dmitriy Peskov “S-400” hawa saqlanu sistemalarınıñ Törkiyägä tapşırıluı barışınıñ planlaştırılğan kalendar-plan nigezendä baruın häm nindi dä bulsa ber soñarunıñ bulmawın belderde.

“Xörriyät” gazetı: “Ber-ber artlı rekord quyıldı. San 3 millionğa citte”

Antaliya turizmı may ayında yaña rekordlar quya. 27nçe mayğı sannarğa kürä şähärgä kilgän turist sanı 3 millionnı uzğan. Şähär tarixında berençe märtäbä may ayında 3 million kilüçe sanına ireşelde.

“Sabah” gazetı: “Şveśiyada 5 atletıbız yarışaçaq”

Şveśiya başqalası Stokgol’mda oyıştırılaçaq Almaz Ligasınıñ öçençe êtabında yarışaçaq milli atletlar bilgele buldı. Törkiyä atletizm federaśiyasınnan yasalğan belderügä kürä, Stokgol’m olimpiada stadionındağı çarada Törkiyädän Ramil Guliev, Yasämin Can, Aras Kaya, Ali Kaya häm Yavuz Can köç sınaşaçaq.