Törek matbuğatına küzätü 29.05.2019

“Sabah” gazetı: “Ärdoğannan “İstanbulnıñ ciñep alınuı” yullaması”

İlbaşı Räcäp Tayyip Ärdoğan İstanbulnıñ ciñep alınuınıñ 566 yıllığın yullaması belän qotladı. İstanbulnıñ 1453tä ciñep alınuınıñ ber däwerne yabıp yaña çornı açuına basım yasawçı Ärdoğan ciñep alunıñ säyäsi, sośial’ häm mädäni näticäläre belän dönya tarixınıñ ağışın üzgärtüen häm tarixnıñ iñ iskitkeç cinülärennän berse buluın belderde.

“Xäbär Türk” gazetı: “Törek qorallı köçlärennän terrorçılarğa qarşı kiñ qırlı xäräkät”

Törek qorallı köçläre Ğiraqnıñ (Ğıyraqnıñ) tön’yağındağı Hakurk töbägendä “PKK” separatist terror oyışması äğ’zase terrorçılar urnaşqan töbäklärdä xäräkät başlattı. Ciröste köçläre artilleriyası häm hawa köçlärenä bäyle reaktiv oçqıçlarnıñ atışları belän başlağan xäräkättä maxsus iminlek törkemnäre dä qatnaşa.

“Yäni Şafak” gazetı: “Hakurkqa “täpi tırnaqları” Kandilgä citä ala”

Törek qorallı köçläreneñ Ğiraqnıñ (Ğıyraqnıñ) tön’yağındağı Hakurk töbägendä ciröste häm hawa törkemnäre belän başlatqan operaśiya däwam itä. Terrorçılıq häm iminlek belgeçe Abdullah Ağar: "Bu operaśiya barı tik terrorçını yuqqa çığaru mäğ’näsenä turı kilmi. Bik möhim çorda bik ähämiyätle töbäktä “mäydan xakimiyäte” urnaştıruıbız mäğ’näsenä turı kilä”, - dip äytte.

“Watan” gazetı: “Qıtaydan Törkiyägä kapital salırğa däwam yullaması”

Törkiyä belän Qıtay arasında säyäsi mönäsäbätlärneñ üsüemä parallel bularaq Qıtaydan Törkiyägä investiśiyälär tiz arata. Ênergetika, asqorma, bank êşçänlege kebek şaqtıy tarmaqta Törkiyägä investiśiyälären äkrenäytmi däwam itterüçe häm yaña kapital salularğa qağılışlı êzlänülär ütkärüçe Qıtaydan Törkiyägä aqça saluğa däwam yullaması yasaldı.

“Xörriyät” gazetı: “Törkiyädäge iñ zur 500 sänäğät oyışması bilgele buldı”

İstanbul sänäğät palatası “Törkiyäneñ 500 zur sänäğät oyışması tikşerenüeneñ 2018nçe yıl näticälären açıqladı. Monıñ nigezendä Törkiyä neft’ êşxanäläre TÜPRAŞ citeşterüdän satularda 79 milliard lira belän Törkiyäneñ iñ zur sänäğät oyışması buldı. Avtomobil’ êşläp çığaruçısı “Ford” 31 milliard lira belän ikençe, “Toyota” isä 23 milliard 600 million lira belän öçençe buldı.