Törek matbuğatına küzätü 28.05.2019

 “Star” gazetı ”Törkiyä belän S-500 lärne bergä êşläp çığaraçaqbız” isemle xäbärendä Rusiya Federaśiyäse saqlanu ministrı Sergey Şoygunıñ berençe S-400 hawa saqlanu sistemaları törkemeneñ iyün’ ayında Törkiyädä bulaçağı turında äyrtüen citkerä. Şoyğu S-500 sistemaların Törkiyä belän bergä êşläp çığaraçaqların da citkerde.

”Vatan” gazetı “Törkiyäneñ täwge cirle seysmik köymäse” isemle xäbärendä Törkiyäneñ berençe cirle seysmik tikşerenü köymäse “MTA Oruç Reis”neñ Märmär diñgezendä êşkä kereşüen xäbär itä. Älege köymä Könçığış Urta diñgezdä uglevodorod êzläw êşçänleklärendä Törkiyägä köç östäyäçäk.

”Xäbär Törek” gazetı  “İstanbul finans üzäge 2022 nçe ylda açıla” isemle yazmasında ilbaşı idaräseneñ finans ofisı başlığı professor doktor Göksel Aşannıñ tübändäge süzlärenä urın birä:” İstanbul finans üzägen 2022 nçe yıl başında açarğa uylıybız. Dönyada finans üzäge bulu xoquqına iyä bulğan berniçä şähär bulsa alardan berse İstanbul”.

”Sabah” gazetı ”Antaliyada turizmda may ayı rekordı” isemle xäbärendä Antaliya vilayät’ idaräse başlığı Münir Karaloğlunıñ may ayında könlek turist sanında rekord quyıluı turında äytüen citkerä. Ul twitter aşa yasağan belderüendä tübändägelärne citkerde: “Ağımdağı yılnıñ 25 nçe mayında Antaliyağa hawa yulı belän 76 meñ 568 turist kilde. Bu may ayındağı könlek rekord. 25 nçe mayda Antaliyağa çit illärdän 363 oçqıç kilde. Bu rekordlar tağın da artıp däwam itäçäk”.

”Xörriyät” gazetı ”Törkiyäne tanıtuda gastronomiya alğı planda bulaçaq” isemle xäbärendä mädäniyat häm turizm ministrı Mäxmät Nuri Ärsoy bıyıldan başlap Törkiyäne diñgez, qom , qoyaş belän bergä gastronomiya ,tarixi häm mädäni qorılmalarnı da tanıtunı küzdä totuları turında äytüen uquçıları belän urtaqlaşa. Ministr bu yünäleştä centekle êşlär başqarıluın 2023 nçe yıl maqsatınıñ 70 milliard dollar turizm keremenä ireşü buluın belderde.