Törek matbuğatına küzätü 23.05.2019

“Watan” gazetı: “Äminä Ärdoğan: “Humanitar yärdämdä dönyanıñ iñ yumart ile bez”

İlbaşı Räcäp Tayyip Ärdoğannıñ xäläl cefete Äminä Ärdoğan Şveyśariyanıñ Jeneva şähärendä oyıştırılğan 72nçe Bötendönya sälamätlek saqlaw assambleyasında çığış yasadı. Ärdoğan 132 millionnan kübräk humanitar yärdämgä moxtac keşe yäşäwçe dönyada härkemgä şaqtıy cawaplılıq turı kilüen äytte. Törkiyä bularaq dönyanıñ därtlärenä iğ’tibarsız qalmawçı, yuğarı yolağa iyä buluların assızıqlawçı Ärdoğan: “8 milliard dollardan kübräk kürsätkän humanitar yärdämnär belän milli tulayım tabış belän çağıştırğanda dönyanıñ iñ yumart ile bulu sıyfatın yörtäbez”, - dip äytte.

“Yäni Şafak” gazetı: “Taşucu arsenalınıñ salınuı qabat kön tärtibendä”

Kipr grek citäkçelegeneñ Franśiyağa xärbi baza birüe böten iğ’tibarnı qabat Urta diñgezgä yünältte. Törkiyäneñ 1999nçı yılda qabul itkän, läkin ğamälgä kertmägän qarar yañadan kön tärtibendä. Telgä alınğan bu qarar Märsin Taşucunda arsenalnıñ tözelüen küzdä tota. Salınaçaq arsenal Törkiyäneñ milli iminlegen turıdan-turı qızıqsındıra. Arsenal tınıçlıqta säwdä köymäläre öçen, suğış waqıtında isä diñgez köçläreneñ xärbi êlementları öçen êşläyäçäk.

“Sabah” gazetı: “15 yılda 5 model’”

Törkiyäneñ avtomobil proyektında êşçänlek tizlätelde. İke ülçämle sızımnar tämamlandı. Yıl azağında prototip päydä bulaçaq. Proyekt qısalarında 15 yılda 5 model’ yasaluı uylanıla.

“Xörriyät” gazetı: “Bäyrämdä turizm xäräkätlelege yäşänäçäk”

Törkiyäneñ iñ möhim turizm üzäklärennän bulğan häm BMO mäğarif, belem häm mädäniyät oyışması (YUNESCO)nıñ Dön’ya mirası isemlegenä alınğan Pamukkalädä Ramazan ayı bäräkäte yäşänä. 4nçe iyün’dä başlanaçaq bäyräm yalın Pamukkalädä uzdırırğa teläwçe watandaşlar şähärdäge qunaqxanälärdä bron’nären xäzerdän ük yasadı. Dürt fasıl buyı cirle häm çit il turistları kilgän Pamukkalädä yal waqıtında qunaqxanälärneñ 100% tulaçağı kötelä.

“Star” gazetı: “Lazer qoralına hawa saqlanu wazıyfası”

Törkiyä saqlanu sänäğäteneñ aldınğı oyışmaları lazer qoral êşçänlegen Hawa saqlanu lazer sistemasına äyländerü öçen köçlären berläşterde. Aselsan, Roketsan, Ermaksan, Saver, TÜBİTAK häm Gäbzä texnik universitetınnan torğan konsorsium lazer hava saqlanu sistemaları proyektın qamilläşterde. Sistema köymä häm ciröste platformalarına köylänäçäk häm tup, minomyot raketa häm idaräle raketalarğa qarşı qullanılaçaq.