Törek matbuğatına küzӓtü 16.05.2019

“Sabah” gazetı Törkiyä ilbaşı Räcäp Tayyip Ärdoğannıñ Azӓrbaycan dӓwlӓt başlığı İlham Aliyev hӓm Üzbӓkstan prezidentı Şӓwkӓt Mirziyoyev belӓn telefonnan söylӓşüen yaza.

Xӓbӓrgӓ kürӓ İlbaşı idarӓse çığanaqlarınnan alınğan mӓğlümatqa kürӓ söylӓşülӓrdӓ ike yaqlı mönӓsӓbӓtlӓr hӓm regional’ mӓs’ӓlӓlӓr quzğatıldı.

“Xörriyӓt” gazetı beldergançӓ Törkiyӓneñ tışqı êşlӓr ministrı Mӓwlüt Çavuşoğlu Rusiyӓdӓn S-400 raketa sisteması satıp alunı kiçekterü yӓisӓ bötenlӓy tuqtatu turında süzneñ bara almawın ӓytte.

Xӓbӓrdӓ Çavuşoğlunıñ tübӓndӓge süzlӓre urın ala: “Kiçekterü yӓisӓ tuqtatu kön tӓrtibendӓ yuq. Kileşü tözelde, ni öçen kiçekterik?”

“Star” gazetı Madӓniyӓt hӓm turizm ministrı Mӓxmӓt Nuri Ersoynıñ aprel’ ayında Törkiyӓgӓ kilüçe çit il keşese sanınıñ 24%ka artuın belderde. Ministr iñ küp keşeneñ 48% belӓn Germaniyadan kilüen assızıqladı.

“Xӓbӓr Türk” gazetı Törkiyadӓn yılnıñ 4 aylıq çorında 118 ilgӓ 622 million 463 meñ 509 dollarlık yaña ölgergӓn cilӓk-cimeş hӓm yӓşelçӓnen êksportlanuın yaza.

Gazet yazuınça ӓlege çorda 184 million 157 meñ 451 dollarlık êksport belӓn Rusiyӓ berençe urında.

“Watan” gazetı xӓbӓrenӓ kürӓ Marokkoda kürsӓtelüçe törek serialları reytingta berençe urında tora. İldӓge cirle kanallarnıñ reytingların küzӓtep baruçı Marok Metri isemle oyışmadan yasalğan yazma açıqlawğa kürӓ Kanal 2 dӓ kürsӓtelüçe “Ğafu it mine” serialı Ramazan ayında iñ küp qaraluçılar arasında öçençe urınğa çıqtı.