Törek matbuğatına küzӓtü 22.02.2019

“Xörriyӓt” gazetı Törkiyӓ tışqı êşlӓr ministrı Mӓwlüt Çavuşoğlunıñ kilӓse könnӓrdӓ Kipr tirӓ-yağında 2 köymӓ belӓn zondaj êşçӓnleklӓreneñ başlanacağın citkerüen yaza.

Xӓbӓrgӓ kürӓ ministr Çavuşoğlu Ӓgӓy dingeze, Könçığış Urta diñgez hӓm Kipr tirӓ yünendӓge gidrouglerod baylıqlarınıñ Törkiyӓ öçen strategik maqsat hӓm milli mӓs’ӓlӓ buluın assızıqlap: “Berqayçan da Kipr törek xalqı hӓm Törkiyӓneñ xoquqların bozdırmadıq, monnan soñ da bozdırmabız,” – dide.

“Star” gazetı Hindıstannan Törkiyӓgӓ kilüçe turist sanında uzğan yılnı 2017gӓ kürӓ 80%lık artışnıñ küzӓtelüen yaza.

Hindıstannıñ Ӓnkaradağı ilçese Sanjay Bhattaçarya hind turistlarınıñ ğomümӓn İstanbul, Kapadokiya hӓm Antaliyane saylawın belderde hӓm Qara diñgezneñ dӓ qızıqsınu uyatır dip uylawın ӓytte.

“Yӓni Şafak” gazetı Awrupa Berlege belӓn sӓwdӓ defiśitın minimumğa töşergӓn Törkiyӓneñ uzğan yılnı 77,3 milliard yevrolık import hӓm 76,3 milliard yevrolık êksport başqaruın citkerӓ.

Gazet yazuınça 153 milliard yevorlık sӓwdӓ balansındӓ 2018dӓ defiśitın 1,2 milliard yevroğa qadӓr töşergӓn Törkiyӓneñ bıyıl profiśit birüe kötelӓ.

“Sabah” gazetı uzğan yılnı çit ilgӓ kitkӓn 8 million 383 meñ Törkiyӓ watandaşınıñ barlığı 4 milliard 896 million dollar sarıf itüen uquçıları belӓn urtaqlaşa.

Xӓbӓrgӓ kürӓ Törkiyӓ Statistika Oyışması internet sӓxifӓsennӓn yasağan açıqlawğa kürӓ uzğan yılnı Törkiyӓ watandaşlarınıñ ber keşegӓ turı kilgӓn turizm çığımı 584 dollar buldı.