Törek matbuğatına küzätü 21.02.2019

“Watan” gazetı: “İlbaşı Ärdoğannan möhim açıqlawlar”

İlbaşı Räcäp Tayyip Ärdoğan Törkiyäneñ Könçığış Urta diñgezdäge neft’ êzläw êşçänlege belän bäyle bularaq: “İnşallah, millätebezgä xäsrät belän kötkän söyeneçle xäbärlärne dä citkeräçäkbez”, - dip äytte. Räcäp Tayyip Ärdoğan kiçä Altındağ Karapürçäk Köroğlu parkında oyıştırılğan kümäk açılış tantanasında xalıqqa möräcäğät’ itte. "Kön tärtibebezdä çik buyı töbäklärebezdä imin töbäk tözü bar”, - dip äytüçe Ärdoğan 310 meñ qaçaqnıñ öylärenä qaytuın belderde.

“Star” gazetı: “Ênergetika häm tabiği çığanaqlar ministrı Fatih Dönmäz Aliyev belän küreşte”

Ênergetika häm tabiği (tabiğıy) çığanaqlar ministrı Fatih Dönmäz kiçä Kön’yaq gaz koridorı kiñäşmä şurasınıñ 5nçe ministrlar cıyılışında qatnaşu öçen kitkän Azärbaycanda İlbaşı İlham Aliyev tarafınnan qabul itelde. 

“Xäbär Türk” gazetı: “Törek xirurglarınnan “çik aryağı” operaśiyası”

Törkiyäneñ törle universitetlarınnan üzixtıyarıy 6 professor Ğiraqnıñ (Ğıyraqnıñ) Kärkük şähärendä sälamätlege kritik 30 xastanı yasağan operaśiyaları belän qotqardı. Gazi, Yıldırım Bäyazıt, Osmangazi, Näcmättin Ärbakan häm Sälçuk universitetlarınnan törle belgeçlektäge üzixtıyarıy 6 professor häm törkeme Kärküktä seminar häm konferenśiyalar belän tıypta-mediśinada ireşelgän torışnı da añlattı. Üzixtıyarıy tabiplär sıyınuçı lagerlar belän bergä şähärdäge xastaxanä häm sälamätlek saqlaw oyışmalarında da wazıyfasın başqardı.

“Xörriyät” gazetı: “89nçı Jeneva avtomobil’ yärminkäsenä sanawlı könnär qaldı”

Dön’yanıñ iñ möhim häm däräcäle, prestijlı avtomobil’ yärminkälärennän berse bularaq qabul itelgän Şveyśariyädäge 89nçı Jeneva avtomobil’ yärminkäse işeklären açu öçen könnären sanıy. 7nçe-17nçe martta barıp bulaçaq yärminkäneñ bıyıl da ber-bersennän tösle küreneşlärgä bay buluı kötelä. Berençe märtäbä 1905nçe yılda başlanğan häm 1924nçe yılda xalıqara yärminkä itep qabul itelgän 89nçı Jeneva avtomobil’ yärminkäsendä törek firmaları da üz urının alaçaq.

“Sabah” gazetı: “İstanbul Don Kixot marşrutına kertelä”

Modern Awrupanıñ berençe romanı bulıp qabul itelgän "Don Kixot”nı yazğan ispan yazuçısı Servantes belän bäyle "Servantes İstanbulda" isemle 2 könlek çara ütkäreläçäk. İstanbulnı "Don Kixot marşrutı"nda urnaşqan şähärlär arasına räsmi bularaq kertkän çara İstanbul şähär xakimiyäte qarşındağı “Kül’tura akśionerlıq cämğiyäte” häm Servantes institutınıñ xezmättäşlege belän 22nçe-23nçe fevral’dä Cämal Räşit Räy (CRR) konśert zalında uzaçaq.