Törek matbuğatına küzätü 17.01.2019

“Star” gazetı: “Putinnan Awrupa Berlege äğ’zalärenä “Törek ağımı” yullaması: Bryussel’dän röxsät alsınnar”

Rusiyä İlbaşı Vladimir Putin serb matbuğatına birgän äñgämäsendä “Törek ağımı” neft’ ütkärgeçe belän bäyle möhim yullamalar yasadı. Putin proyektka kerergä telägän Awrupa Berlege äğ’zase illärgä: “Bryussel’dän röxsät alsınnar” yullamasın citkerde. Rusiyä tabiği gazın Qara diñgez häm Törkiyä aşa Awrupağa citkeräçäk ütkärgeç proyektınıñ 2019nçı yıl axırına qadär êşli başlawı kötelä.

“Xäbär Türk” gazetı: “Milliard dollarlıq törek şirkätläre AQŞ yulçısı”

Bazardağı qimmäte yaqınça 30 milliard dollar bulğan Törkiyäneñ aldınğı şirkätläre Amerika Quşma Ştatları investorları belän 17nçe-18nçe ğinwardä New Yorkta oçraşaçaq. 5se bank 13 törek şirkäte tuplam milek qimmäte 3 trillion dollardan kübräk yaqınça 30 AQŞ fondı belän "New York Turkey Day" isemle yuğarı däräcäle oçraşuda cıyıla.

“Yäni Şafak” gazetı: “Venesuelladan Törkiyägä tonnarça altın öçen berençe räsmi säfär”

Altın bayı Venesuêlanıñ altınlarnı êşkärtü öçen Çorumnı saylawı häm Däwlät başlığı Nicolas Maduro urınbasarınıñ da bulğan wäkillekneñ bu şähärgä kiläçägen açıqlawınnan soñ kiçä berençe säfär yasaldı.

“Xörriyät” gazetı: “2019nçı yılnıñ yäşäw sıyfatı iñ yuğarı şähärläre bilgele buldı. Törkiyädän 4 vilayät isemlektä”

Şähärlär belän bäyle dönyanıñ iñ kiñ qırlı mäğ’lümat bazası “Numbeo” 2019nçı yılğa bäyle “Yäşäw sıyfatı” mäğ’lümatlären açıqladı. İsemlektä iñ yaxşı 226 şähär östälde häm Törkiyädän 4 şähär bar: İstanbul, Änkara, Bursa häm İzmir.

“Sabah” gazetı: “Ülgänçe kürergä kiräk bulğan urınnar"

BMOnıñ YUNESCO oyışmasınıñ Dön’ya mirası daimi isemlegendä bulğan häm dönya külämendä iñ borınğı häykäl ğibadätxanä bulğan Şanlıurfada urnaşqan Göbäklitäpä İlbaşı Räcäp Tayyip Ärdoğannıñ 2019nçı yılnı Göbäklitäpä yılı itep iğlan itüennän soñ “National Geographic” jurnalınıñ “Ülgänçe kürergä kiräk bulğan urınnar” kitabına kerde.