Törek matbuğatına küzätü 17.12.2018

“Xäbär türk” gazetı Törkiyä Milli saqlanu ministrı Hulusi Akarnıň tübändäge süzlären citkerä: “Täwäkkäl köräş näticäsendä terror oyışmasında tarqalular küzätelde, terror höcümnäre küpkä çiklände. Bu köräşebez xalqıbıznıň iminlege öçen kiräk häm mäcbürider.”

“Yäni Şafak” gazetı Törek qorallı köçlärennän kiçä yasalğan açıqlawda Ğiraq tön’yağındağı Gara häm Hakurk töbäklärenä 15-16 dekabr’ könnärendä oyıştırılğan hawadan operaŝiyalärdä terror oyışması mäğaräläre häm sıyınır urınnarnıň yuqqa çığarıluınıň urın aluın yaza.

Xäbärdän kürengänçä Törek qorallı köçläre bazaları urnaşqan töbäklärgä höcüm itärgä cıyınuçı 10 terrorçınıň da täêsirsez xälgä kiterelüe açıqlandı.

“Star” gazetı “Turistlar yänä Törkiyäne sayladı” isemle xäbärendä Bodrumdağı Tanıtu waqıfınıň 2017-2018 yılnıň ğinwar-noyabr’ çorına qarağan mäğlümatların uquçıları beläň urtaqlaşa.

Xäbärgä kürä 2017 yıl belän çağıştırğanda 2018 dä Milas aêroportına çit illärdän kilüçelär sanında 61,61%lık artış küzätelde. Bodrumğa iň küp kilüçe illär isemlege yänä üzgärmäde. Berençe urındağı Angliyadän soň Rusiyä Federaŝiyase bar, annarı Pol’şa, Germaniya, Hollandiya häm Ukraina kilä.

“Xörriyät” gazetı “Törkiyä qabımlıqları dönya tabınnarında” isemle xäbärendä İzmirdäge ber şirkätneň törelgän yafraq, xumus häm itsez kotlet kebek Törkiyä qabımlıqların töreklär küp yäşägän 14 ilgä êksportlawın yaza.

Gazet yazuınça êçke bazardan kilüçe taläplärne qanäğatländerü öçen 1991 yılda 25 m2 lık ber atelyeda qabımlıq peşerä abşlağan ike käsepçe taläpneň tizlek belän artuınnan soň Torbalı ilçäsendä 16 meň m2 lık urında qabımlıq şirkäte qordı. Berençe yıllarda xaydari, ciläk-cimeş soğı häm törelgän yafraq belän başlağan qabımlıq yasaw êşe 250 tördäge qabımlıqqa citte. Ayıruça töreklär küp yäşägän Awrupa illärenä êksportlıy başlağan şirkät yıllıq 3 million dollarlık valyuta kereme täêmin itte.

“Sabah” gazetı Törkiyäneň çaňğı şuu üzäklärennän berse bulğan Ärciyäs tawında çaňğı şuu sezonınıň açıluın citkerä.

Xäbärgä kürä sezonnıň berene köne atna azağına turı kilgängä 15 meň keşe Ärciyäskä ağıldı.