TÖREK MATBUĞATINA KÜZÄTÜ 14.12.2018

“Sabax” gazetı ministr Varanknıñ süzläre belän “20 yıllıq töş çınbarlıq buldı” dip yaza

İlbaşı qararnamäse belän Törkiyä ğaläm agentlığı tözü qararı Räsmi gazetta basılıp çıqtı. Sänäğat’ häm texnologiyä ministrı Mostafa Varank beldergänçä, ğaläm texnologiyäläre belän bäyle säyäsät häm strategiyälärne bilgeläyäçäk agentlıqnıñ tözelüe - 20 yıllıq töşneñ tormışqa aşuı. Ul Törkiyäneñ milli mänfäğat’läreneñ ğalämdä dä küzäteläçägen söyläde.

“Watan” gazetı yzğança, “Paqıstannan soñ ikençe ATAK zakazı Filippinnardan kilde”

T129 ATAK taktik öyränü häm şturm boralağı Paqıstannan soñ Filippinnarğa da êksportlanaçaq. Filippinnar saqlanu ministrı Delfin Lorenzana belderü yasap, satu buyınça söyläşülärneñ berniçä ay êçendä tämamlanuın küzdä totuların söyläde.

“Xörriyät” gazetı “Antaliyägä hawa yulı belän kilüçelär sanı arttı” dip xäbär itä

Turizm başqalası Antaliyägä bıyılnıñ ğıynvar-noyabr’ çorında hawa yulı belän 12 million 513 meñ zıyarätçe kilde. Kürsätkeç uzğan yılnıñ şul uq çorı belän çağıştırğanda 30%qa arttı. Kilüçelärne illär buyınça ayırğanda, berençe urında - Rusiyä. Annan 4 million 570 meñ keşe kilde. İkençelek - 2 million 227 meñ keşe belän Germaniyädä. İsemlekne Ukraina, Angliya, Pol’şa, Nidrland häm Qazaqstan däwam itä.

“Xäbär Türk” gazetı yazğança, “Şäbiarus här mädäniyättän kilüçene Kon’yada oçraştıra”

Kon’yada Xäzräti Mäwlänäneñ ülemeneñ (Allah belän qawışuınıñ) 745nçe yılı xalıqara iskä alu çaraları belän bilgeläp ütelä.  Ul Şäb-i arus ataması belän dä bilgele. Anda cirle xalıq qına tügel, çit ildän kilüçelär dä küp qatnaşa. Bıyıl tantanalar “Sälam zamanı” teması astında berläşte. Bu turıda Kön’ya şähäre xakimiyäte başlığı Uğur İbrahim Altay belderü yasadı. Ul kon’yalılarnıñ ildäge häm dön’yadağı iñ däräcäle çaralar arasında urın alğan Şäb-i arusqa törle cirlärdän kilgän turistlarnı bik matur qarşılawın häm qunaq itüen assızıqladı.

“Star” gazetı “Çay êksportında 6 million 300 meñ dollarlıq kerem” dip yaza

Bıyılnıñ 11aylıq çorında yasalğan çäy êksportı 6 million 271meñ dollarlıq buldı. Könçığış Qara diñgez töbäge êksportyerlar berlege idaräsennän xäbär itülärençä, törek çäye bu waqıt êçendä 103 ilgä satıldı.