Köndälek matbuğat 3.12.2018

“Watan” gazetı “İlbaşı Ärdoğanğa Däwlät büläge birelde” dip yaza

İlbaşı Räcäp Tayyip Ärdoğan räsmi oçraşular öçen Paragwayğa kitte. Ul anda däwlät başlığı Mario Abdo Benites belän başqala Asuns’ondağı tarixi xökümät binası Lopes sarayında küzgä-küz oçraştı. Anda Ärdoğanğa Paragwaynıñ Däwlät bülägen tapşırdılar.  

“Star” gazetı yazğança, “Êksport noyabr’dä tarixi rekord yasadı”

Noyabr’ ayında yasalğan 15 milliard yarım dollarlıq êksport “aylıq baza”da rekordqa citte. Bügengä qadär bulğan il êksportında bu - “iñ yuğarı kürsätkeçle noyabr’ ayı” ide. Soñğı 12 ayda tışqa tovar satu 7,8 prośentqa artıp 168 milliard dollar kerem kiterde.

“Sabax” gazetı “ASELSAN çüldä ciñü yawladı” dip xäbär itä

ASELSAN tarafınnan yasalğan iñ yana qoral sistemalarınnan Sarp-Zafär täwge sınawın Katarda ütte. Anı ilneñ xärbi dairäläre qatlawlı testlar aşa ütkärde. Sarp-Zafär, Yörük köbäle xärbi texnika belän berlektä, çül şartlarında tormışqa aşırılğan cir sınawların uñışlı ütte.  
 

“Xäbär Türk” gazetında “Awrupanıñ çäçäge Antaliyädän” digän yazma urın aldı
Antaliyädän Awrupağa Yaña yıl häm Raştua bäyrämnäre öçen çäçäk bäylämnäre kitä başladı. Antaliyä - Törkiyäneñ kisep satıluçı çäçäk citeşterü üzäge. Tarmaq bäyräm aldınnan êşkä çumdı. Kiselgän çäçäklärne Niderland, Angliyä häm Üzbäkstannan başlap dön’yanıñ 65 ilenä êksportlıylar. 60-65 million sabaq çäçäk satu 8-10 million dollar kerem kiterä.

“Xörriyät” gazetı “Palandökändäge fakellı start” turında yaza

Dön’yadağı sanawlı qışqı turizm üzäklärennän Ärzurumdağı Palandökän tawı bıyılğı sezonnı fakellı çañğı şuu tamaşası belän açıp cibärde. Awrupanıñ iñ ozın çañğı trassası biredä. Palandökän çañğı şuu üzägenä bıyıl 1 million turist kilüen kötälär.