Törek matbuğatına küzätü 30.11.2018

”Yäni Şafak” gazetı “Binali Yıldırım Aziyanı qabat keşelek ömetenä äwerelderä aluların belderde” isemle xäbärendä İstanbulda Aziya parlamentariylar assambleyasında çığış yasağan Törkiyä Böyek Millät Mäclese başlığı Binali Yıldırımnıñ Ğosmanlınıñ tarixta yuqqa çığuınnan soñ Yaqın Könçığışta imperial’ maqsatlar säbäbe belän tnıçlıq häm xozurnıñ qaçuın ,qardäşlek häm tuğanlıqnıñ yuğaluın belderüe turında yaza.

Xäbärdän kürengänçä, Binali Yıldırım bäreleşlärneñ beräwgä dä faydası bulmawına basım yasadı häm “Ägär bez teläsäk Aziyanı yañadan dönyanıñ iğ’tibarnı cälep itüçe üzägenä ,keşelek ömetenä äwerelderä alırbız” dide häm problemalarnı çişü öçen parlamentariy diplomatiyäsen aktiv qullanu kiräklegen assızıqladı.

”Xörriyät” gazetı ”TÜRKSAT 6A proyektı axırına yaqınlaştı” isemle xäbärendä Törkiyä transport häm asqorma ministrı Cahit Turhannıñ tübändäge süzlären uquçıları belän urtaqlaşa:” TÜRKSAT 6Anı proyektlaw êtabı axırına yaqınlaştı häm iyärçenneñ sınap qaraw modelläre êşläp çığarıla başladı. Proyektnı 2020 nçe yılda tämamlaw küzdä totıla”.

”Star” gazetı “Keşesez hawa apparatı ANKAğa zur qızıqsınu kürsätelä” isemle xäbärendä Törkiyä aviaśiya häm ğaläm sänäğäteneñ  üz uñışlarına “ANKA” keşesez hawa apparatın da östärgä cıyınuın xäbär itä.

Xäbärdän kürengänçä, Törkiyä aviaśiya häm ğaläm sänäğäte Paqıstannıñ Karaçi qalasında oyıştırılğan 10 nçı Xalıqara saqlanu yärminkäse häm seminarında başqa êşlänmäläre belän bergä “ANKA”nı da tanıttı häm aña zur qızıqsınu kürsätelde. “ANKA” keşesez hawa apparatı çik ar’yağı operaśiyälärendä zur uñışqa ireşte.

”Xäbär Törek” gazetı “Yaña  maqsat – 70 million turist” isemle xäbärendä Törkiyäneñ dönyada iñ küp turist kilüçe altınçı ilgä äwerelüe turında yaza.

 2018 nçe yılda il külämendä 44 million, Antaliyada 13 million yarım turistqa ireşü küzdä totıla. Maqsat isä 2023 nçe yılda Törkiyä öçen 70 million ,Antaliya öçen 20 million çit il turistına ireşü.

”Sabah” gazetı ”Awıldan Katar sarayına yefäk keläm” isemle xäbärendä Bursadağı awılda 4 meñ yıl êlek belengän tradiśion törek stile belän tuqılğan “Biyüçe qız” räsemle yefäk kelämneñ Katardağı sarayğa cibärelüen citkerä.

6 aydan kübräk waqıtta tuqılğan yefäk keläm İstanbuldağı ber ğailä tarafınnan Katar ämire Şäyex Tämim bin Hamäd Al Sanigä büläk itelde.