Törek matbuğatına küzätü 28.11.2018

“Xäbär Türk”gazetı: “İlbaşı Ärdoğannan qaynar açıqlawlar”

İlbaşı Räcäp Tayyip Ärdoğan İslam xezmättäşlek oyışmasınıñ İq’tisad häm säwdä xezmättäşlege daimi komitetı (İSEDAK) cıyılışında bik möhim açıqlawlar yasadı. Ärdoğan cirle aqça belän säwdä itü çaqıruın qabatlap: "“İSEDAK”qa äğ’za illär bularaq säwdäbezne ni qadär arttırırsaq şul çaqlı köçle bulırbız. Arabızdağı säwdädä milli aqça berämleklären qullanuıbız imperialist boğawlarnı yuqqa çığaruıbız cähätennän bik möhim”, - dip äytte.

“Sabah” gazetı: “Ğadälät ministrınnan Akın İpäk añlatması: “Qabul itelmäslek”

Angliyada “Fätullahçı” terror oyışması (FETÖ) äğ’zase Akın İpäkneñ Törkiyägä qaytarıluı mäxkämä utırışında kire qağu qararınıñ qabul itelüennän soñ berençe belderüne Ğadälät ministrı Abdülhamit Gül yasadı. Ğadälät ministrı Gül “Twitter” aşa yasağan belderüendä: "“FETÖ”nıñ qaçıp kitkän äğ’zase Akın İpäk, Ali Çälik häm Talip Büyükneñ kire qaytarıluı belän bäyle taläbebezneñ Angliya tarafınnan kire qağıluı qabul itelmäslek qarar. Terror oyışması äğ’zaläre Törkiyä xökem çığaru aldında xisap birgänçegä çaqlı kire qaytarıluı belän bäyle köräşebez däwam itäçäk”, - dip äytte.

“Star” gazetı: “Paqıstanğa satılğan 30 “Atak”nıñ êşläp çığarıluına başlandı”

Üzäge Paqıstanda urnaşqan media organı “Quwa Group” T129 ATAK boralağınıñ berençeseneñ êşläp çığarıla başlanuın xäbär itte. Paqıstanğa Törek aviaśiya häm ğaläm sänäğäte (TAI) tuplam 30 danä T129 êşläp çığaraçaq. Citeşterelüenä başlanğan berençe boralaq isä 2020nçe yılda tapşırılaçaq.

“Yäni Şafak” gazetı: ““Çigän qızı” Gaziantäptä”

Amerika Quşma Ştatlarınıñ (ABD) Ohio ştatındağı Bowling Green ştatı universitetında täq’dir itelgän "Çigän qızı" mozaikasınıñ kisäkläre Törek hawa yullarınıñ oçqıçı belän kiçä Törkiyägä kiterelde. Mädäniyät häm turizm ministrlığı belän Bowling Green ştatı universitetı arasında 5 ay êlek imzalanğan kileşü nigezendä tantanalı räweştä törek räsmilärenä tapşırılğan Zeugma Mozaikalarına qarağan 12 kisäk oçqıç belän Gaziantäpkä cibärelde.

“Xörriyät” gazetı: “Mäşhür Bollywood artistkası Törkiyägä kilde”

“Bollywood”nıñ tanılıp kilüçe yoldızlarınnan Fatima Sana Shaikh Törkiyägä kilde. Yasalğan yazma belderüenä kürä, Aamir Khan belän baş rol’ uynağan "Dangal" fil’mı belän tanılğan Fatima Sana Shaikh İstanbulnı häm Kapadokiyanı gizde. Shaikh: "Törkiyä belän bäyle bularaq işetkän böten närsä tağın da güzäl ikän. Biredä keşelär söyü belän tulı, iskitkeç qunaqçıllar. Rizıqlarığızğa xäyran qaldım”, - dip äytte.