Törek matbuğatına küzӓtü 05.10.2018

“Xӓbӓr Türk” gazetı Sӓnӓgӓt hӓm texnologiya ministrı Mostafa Varanknıñ Proyektqa nigezlӓngӓn tӓşwik sisteması qıalarında xuplanuçı gibrid transport çarası motorın citeşterügӓ qarağan investiśiya proyektınıñ möhim öleşe bulğan alyuminiy tutıru êşxanӓse nigezeneñ 19 üktӓbr’ könne Bursada salınaçağın belderüen citkerӓ.

Gazet yazuınça ministr Varank: “Daimi investiśiya külӓme 100 million yevrodan artıq bulğan bu proyektnıñ iqtisadqa 2,3 milliard dollar öleş kertüe kötelӓ. törkiyӓdӓ berençe tapqır alyuminiydan motor yasalaçaq,” – dide.

“Xörriyӓt” gazetı İskeşӓhӓrdӓ qorılğan ALBILA sıvorotka hӓm biologik êşlӓnmalӓr şirkӓte qorılmalarında çayan ağuı immunitet sıvorotkasına ӓylӓnderelep, bar dönyağa êksportlanaçağın yaza.

Xӓbӓrgӓ kürӓ kosmetika hӓm daru sӓnӓgӓtendӓ qullanıluçı, dönyanıñ iñ qıybat sıyıqlığı bulğan ağu 40 investornı berlӓşterde. Çayan ağuınnan yasalaçaq immunitet sıvorotkasınıñ ber litrı berençe êtapta yaqınça 10 million dollarğa satılaçaq.

“Yӓni Şafak” gazetı Aqqoyı atom-töş üzӓk stanśiyaseneñ berençe atom-töş ênergiyane Törkiyӓ Cömhüriyӓte qorılışınıñ 100 yıllığında yӓgni 2023tӓ citeşterüeneñ maqsat itelüen yaza.

Xӓbӓrgӓ kürӓ Mersindӓge Aqqoyı üzӓk stanśiyase mӓydanında êşlӓwçe personalnıñ 85%ı töreklӓrdӓn tora. Aldağı çorda 10 meñ keşe êş belӓn tӓêmin itelӓçӓk. Bu atom-töş stanśiyase in yuğarı texnologiyale stanśiya bulaçaq.

“Star” gazetı Rusiyӓneñ Sankt Peterburg şӓhӓrendӓ oyıştırılğan xalıqara tabiği gaz forumında çığış yasağan “Gazprom” başlığı Aleksey Millernıñ: “Törek Ağımı ütkӓrgeçeneñ diñgezdӓge öleşen 2 aydan soñ tözep beterӓbez,” – digӓn süzlӓren uquçıları belӓn urtaqlaşa.

Gazet yazuınça tӓmӓmlanğaç 1100 çaqrım ozınlığında bulaçaq Törek Ağımı ütkӓrgeçeneñ 937 çaqrımlıq öleşe diñgezdӓn uzaçaq.